په تورخم پوله د قربانۍ څارویو ډک ټرک پاکستان ته داخل شو

نصیب شاه شینواري
په پاک افغان پوله تورخم سرچینو تصدیق کړې چې د افغانستان جلال آباد څخه یو د قربانۍ څارویو (پسونو) ډک ټرک بیګا د شپې تورخم ته رارسیدلې وو چې پاکستان ته داخل شي.
بیګا په ټولنیزو رسنیو داسې خبرونه خپاره شول چې په تورخم پوله امنیتي اهلکار د څاریو ډک ټرکونو ته اجازه نه ورکوي چې پاکستان ته داخل شوي خو بیا لږ ساعت پس دې ټرکونو ته د ضروري قانوني کارایی کولو پس اجازه ورکړل شوه او پاکستان ته داخل شول.
د یادونې ده چې د لنډیکوتل څخه د مشرانو یو پلاوې کابل ته تللې وو چې د افغانستان اسلامي امارت مشرانو سره لیدنه وکړي او دوی څخه غوښتنه وکړي چې پاکستان ته د قربانۍ څارویو صاردرول ته اجازه ورکړي.
په کابل کښې د لنډیکوتل مشرانو ( حاجي مقتدر شاه آفریدي، ملک ماصل خان شینواري، مراد حسین ، نثار، کلیم الله شینواري، ریاض شینواري د افغانستان تجارت وزیر صدر اعظم سره لیدنه وکړه او پاکستان ته ی د ۵۰۰۰ زره د قربانۍ پسونو اجازه ورکړه چې د افغانستان څخه پاکستان ته صادر شي.
د یادونې ده چې هم دې جرګې له برکته بیګا شپې د افغانستان څخه د پسونو ډک یو ټرک پاکستان ته راداخل شول ، ځایی اولس د افغانستان چارواکو او په تورخم پوله امنیتي چارواکو او اړوند ادارو څخه مننه وکړو چې دوی د افغانستان څخه د پسونو ډک ټرک د قانوني کارویی پس پاکستان ته دا خلیدو اجازه ورکړه.
………………………….
نور خبرونه