په تورخم پوله پولیسو ځایی احتجاج کوونکي نیولي دي

باغي ټي وي رپورټ
نن په پاک افغان پوله تورخم پولیسو احتجاج کوونکي نیولي دي، د تورخم سرچینو مطابق په تورخم پوله نن څه کسانو احتجاج کړې وو او پولیسو له لوري دوی ته اجازه ور نه کړې شوه چې احتجاج وکړي.
د لنډیکوتل یو ځایی خبریال اشراف الدین پیرزاده په خپل فیس بک پانړه دا خبر خپور کړې دې چې په تورخم پوله د فساد په ضد احتجاج شوې دې.
هغه لیکلي چې د تورخم په نادرا سټاپ د پولیسو د فساد پرضد مظاهره وشوه، د تورخم په نادرا چوک کې ځايي خلکو د پاسپورټ او ویزې د پالیسۍ او فساد پر ضد احتجاجي لاریون وکړو. پوليسو شپږ ځايي کسان نيولي او لنډي کوتل پولیس سټیشن ته لیږلي دي. رسمي سرچيې وای چې د نیول شوو کسانو تعلق د شينواري خوګا خېلو قبیلې سره دې، په نیول شوو کسانو کښې قاري نظیم ګل شینواري، نجیب، شاه رخمان شامل دی.
د یادونې ده چې پرون هم په پاک افغان پوله احتجاج شوې وو او افغان مسافرو غوښتنه کړې وه چې دوی ته دې په افغان تذکره اجازه ورکړل شی چې افغانستان ته سفر وکړي چې بیا روستو د تورخم چارواکو تذکره لرونکو افغان مسافر ته اجازت ورکړو او تراوسه پورې ۲۰۰۰ افغان مسافر افغانستان ته داخل شوي دي.
نور خبرونه