د لنډیکوتل ځایی سیاسي او قبایلي مشرانو نن کابل کښې افغان چارواکو سره لیدنه کړې

نصیب شاه شینواري
د لنډیکوتل تحصیل څخه د سیاسي ګوندونو او د ځایی مشرانو یوه جرګه پایه تخت کابل ته رسیدلې ده او نن د دوشنبې په ورځ ی افغان چارواکو سره لیدنه کړې ده.
پرون د جرګې غړي (ملک ماصل خان شینواري، حاجي مقتدر شاه، مراد حسین آفریدي، ریاض خان شینواری، افتاب شینواري د تورخم له لارې افغانستان ته لاړل.
د افغانستان د سوداګرۍ وزیر سره ی نن جرګه پیل شوه او د سرچینو مطابق نن په کابل کښې د افغانستان اسلامي امارت د سوداګرې او تجارت وزیر سره د جرګې غړیو لیدنه کړې ده او د افغانستان څخه د قربانۍ پسونو د واردلو په موضوع ی ورسره خبرې کړي دي.
د سرچينې د معلوماتو له مخې، په لومړي سر کې له افغانستان څخه د تورخم له لارې ٥٠٠٠ پسونو(د قربانۍ څاروي) ته اجازه ورکړل شوې ذه چې د افغانستان څخه پاکستان ته صادر شي.
د یادونې ده چې نن په لنډیکوتل کښې ځایی اولس احتجاج هم کړې او غوښتنه ی کړه چې د افغانستان څخه دې د قربانۍ څاروي واردولو اجازه ورکړل شي.