د لنډیکوتل مشرانو پلاوي افغان چارواکو سره خبرې کامیابې شوي

نصیب شاه شینواري
پرون په تورخم پوله د لنډیکوتل د سیاسي او ځایی مشرانو یوه پلاوې جرګه پایه تخت کابل ته لاړه چې د قربانۍ د څاروو په اړه افغان چارواکو سره لیدنه وکړي.
په جرګه کښې د خیبر سیاسي اتحاد مشران او نور ځآیی مشران شامل دي.
ملک ماصل خان شینواري، حاجي مقتدر شاه آفریدی، مراد حسین آفریدي، نثار افریدي، افتاب شینواري او ریاض خان شینواري ددې جرګې غړي دي چې نن ی په کابل کښې د سوداګریو او تجارت وزیر سره وکتل ، د جرګې مشرانو مطابق افغان چارواکو سره ددوی خبرې بریالۍ شوي دي او د افغانستان څخه د ۵۰۰۰ زره قربانۍ پسونو پاکستان د صادرولو اجازه ی ورکړې ده.
ځایی اولس او د لنډیکوتل جرګه غړیو د افغان چارواکو له لوري د میلمستیا کولو لپاره ددوی ستاینه کړې ده او ددوی شکریه ی ادا کړي ده.