داخله وزارت د ملک په بیله بیلو سیلاب ځپلو سیمو کښې د فوځ ځای پر ځای کولو منظوری ورکړې ده
د پاکستان فوځ ځوانان د سیلاب څخه متاثره یو د زیات عمر تن سره مرسته کوي. فوټو: اې پي پي
باغي ټي وي رپورټ
د پاکستان د کورنیو چارو وزارت د سېلاب له امله ځپلو سیمو کې د پاکستان د پوځ د ځای پر ځای کولو منظوري ورکړه.
د کورنیو چارو وزارت له مخې د ملکي حکومت سره د مرستې لپاره په څلورو واړو صوبو کې د پاکستان پوځ د ځای پر ځای کولو منظوري ورکړل شوې او د ارټيکل 245 لاندې د پوځ د ځای پر ځای کولو سمري د حتمي منظوري لپاره وفاقي کابینې ته استول شوې ده.
د کورنیو چارو وزارت وايي، د څلورو واړو صوبو حکومتونو په سېلاب ځپلو سیمو کې د سرتېرو د ځای پر ځای کولو غوښتنه کړې، پاکستاني ځواکونه د مرستې او ژغورنې په عملیاتو کې ځای پر ځای شوي او د څلورو واړو صوبو په سېلاب ځپلو سیمو کې پاکستاني ځواکونه ځای پر ځای شوي دي. ولایتونه
د داخله چارو وزير رانا ثناءالله وينا ده چې پنجاب حکومت ډي جي خان او د خېبرپښتونخوا حکومت په ډي آئي خان او د بلوچستان حکومت په نصير آباد ،صاحب پور,جعفرآباد ، لسبیلهه، او جهل مګسي کې د فوځونو د لېږلو غوښتنه کړې ده.
د کورنیو چارو وزیر وویل چې د سنده حکومت د سیلاب ځپلو سیمو لپاره د پوځ د ځای پرځای کولو غوښتنه لیږلې ده. رانا ثناءالله وويل دکنټرول روم څخه دسيلاب صورتحال په دوامداره توګه څارل کيږي، سيلاب ځپلو خلکو ته به په هيڅ صورت يواځې نۀ پريښودل کيږي. د يادونې وړ ده، چې په ټول هېواد کې د مونسون له اورښتونو وروسته سېلابونو زيانونه اړولي او دا مهال د هېواد ټول څلور ولايتونه د سېلابونو تر ټولو سختو لارو لاندې دي. په هېواد کې د سېلابونو او نورو پېښو له امله تر ۹۰۰ ډېر کسان وژل شوي دي.
نور خبرونه
پاکستان کښې د سیلابونو او سیلاب ځپلو وسنې وضعیت، تر ۹۰۰ زیات وګړي وژل شوي، په زرګونو بې کوره شوي دي
Leave a reply
