پاکستان دې د افغانستان بدلیدونکي سیاسي حالت نه ګټه پورته کړي: خان جان الکوزې

باغي ټي وي رپورټ
د افغانستان یو مشهور سوداګر، مخور شخصیت او پاک افغان جاینټ چیمبر آف کامرس مشر خان جان الکوزي ویلي دي چې په افغانستان کښې راپیښ سیاسي بدلون نه دې پاکستان ګټه پورته کړي او د افغانستان سره د دوه اړخیز تجارت ته وده ورکولو لپاره عملی ګامونه پورته کړي او داسې اقدامات دې وکړي چې د افغانستان او پاکستان ترمینځ اړیکې او تجارت لا زیات شي.
خان جان الکوزې دا خبرې په داسې وخت کښې کړي چې هغه د پاکستان د پایه تخت د اسلام آباد نه واپس تللې دې او په افغانستان کښې ی تاجرانو سره په دې اړه ملاقات کړې او د افغانستان او پاکستان په دوه اړخیز تجارت او د تجارت ته وده ورکول په موضوع خبرې کړي دي.
یاده دې وي چې افغانستان د سوداګرانو یو پلاوي څو ورځې وړاندې د خان جان الکوزي په مشرۍ کښې د پاکستان دوره وکړه او د اسلام نه په واپسې ی په تورخم کسټم هاوس کانفرنس هال کښې رسنیو او نورو مهمو سیکوریټي او د پاکستان کسټم افسرانو سره ملاقات هم وکړو او د افغانستان د تجرانو د ستونزو نه ی خبر کړو.
په دې موقع نوموړي په ډاګه کړې وه چې پاکستان لپاره وس ښه موقع ده چې افغانستان سره دوه اړخیز تجارت ښه کړي ، نوموړی اوویل چې د افغانستان تاجرانو ستونزې دې هوارې شي ، افغان سوداګر غواړي چې په پاکستان کښې پانګونه وکړه ، د پاکستان نه د صادراتو مالونه واخلي او افغانستان او نور منځني ایشیا هیوادونو ته ی انتقال کړي.
دوی اوویل چې د پاکستان او افغانستان ښې اړیکې ددې دواړه هیوادونو د تجارت ته د وده ورکولو لپاره ډیرې اړینې دې او وس وخت راغلې چې پاکستان دوه اړخیز تجارت ته وده ورکړي چې دا دواړو هیوادونو د حکومتونو او د اولس په ګټه تمامیږي.
…………………………………………………..
د باغي پښتو ټیلیویژون ددې خبر سره سم او نور تړلې راپورونه په لاندیني لنک زور ورکړې او وې ګورې.
…………………………………………………..