باغی ټي وي رپورټ
وزيراعظم شهباز شريف وئيلي دي چې په زمکه کښې له عمران خان نه زيات دروغجن بل څوک نشته، دامريکا په وروستې دوره کې د نړۍ يو شمير مشرانو هم عمران خان بې رحمه، دروغجن او انا پرست بللي وو.
له یوې برتانوي ورځپاڼې سره په مرکه کې لومړي وزیر شهباز شریف د تحریک انصاف پر مشر برید وکړ.
وزيراعظم وويل د عمران خان فريبونو د ملک اقتصاد تباه کړى، عمران خان د واک نه د وتلو وروستو په دروغو او فريبونو سره ټولنه زهر او تقسيم کړل.
شهبازشريف وئيلي دي چې دآډيو ليکونو څخه څرگنده شوې چې عمران خان دخپلې گټې لپاره درواغ په ويلو سره ددغه هيواد وقار ته زيان رسولى دى، عمران خان به په قصدي ډول ترسره کړل شوؤ جرمونو حساب ورکولى شي.
هغه وويل پاکستان دا مهال له سخت اقتصادي بحران سره لاس او ګرېوان دى، پاکستان د زياتېدونکي انفلاسيون، بهرنۍ قرضې او د اسعارو د ارزښت له کمېدو سره مخ دى، پاکستان د تاريخ تر ټولو ناوړه سېلابونو له امله له ٣٠ ملياردو ډالرو څخه زيات زيان کړى دى.
هغه وويل چې دامريکا سره داړيکو ښه کولو لپاره په فعاله توگه کار کوي، د سختو مالي مشکلاتو باوجود يې امريکا سره د ايف ١٦ الوتکو تړون لاسليک کړى، په نيويارک کې يې دامريکا صدر سره لنډه ليدنه کړې اؤ د پاکستان د ملاتړ ژمنه يې کړې ده.
شهباز شريف وويل چين د پاکستان باوري ملګری دی، زه به د نومبر په مياشت کې د چين دوره کوم، سي پېک هغه پروژه ده چې نه يوازې د پاکستان بلکې د ټولې سيمې لپاره ښه ده.
…………………….
نور خبرونه
لسبیلا هیلي پیښه کې د یوټیوبر په شمول د سوشل میډیا فعالان هم د پاکستان فوځ په ضد کمپاین کې شامل دي
مریم نواز په عمران خان تور لګولې چې هغه په پټ ملاقات کښې د این آر او غوښتنه کړې وه
اروپایی ټولنې د پاکستان سیلاب ځپلو سره ۶ ملیادره او ۷۰ کروړه روپۍ مرستې اعلان کړې دې
Leave a Reply