د پاکستان تحریک انصاف په فارن فنډنګ کښې مهم پرمختګ شوې، اولس مشر عارف علوي، اسد عمر،حامد زمان، منظور چوهدري او طارق شفیع ته لکونه روپۍ منتقل شوي دي

باغی ټي وي رپورټ
د پاکستان تحریک انصاف منع فنډنګ کیس تحقیقاتو کښې مهم پرمختګ شوی دی.

د وفاقي تحقیقاتي ادارې (ایف آی اې) له مخې اسد عمر او قاسم سوري په کراچۍ او کوټه کې له دوو اکاونټونو څخه پیسې ایستلې دي.
د پي ټي آئي فارن فنډنګ کيس د پلټنو په مهال د بنکونو څخه سلګونو جعلي اکاونټونو ريکارډ ترلاس شوې دې.
په رسنیو کښې نشر د یو راپور مطابق
د جعلي اکاونټونو له لارې ولسمشر عارف علوي، اسد عمر، حامد زمان، منظور چوهدري او طارق شفیع ته میلیونونه روپۍ انتقال شوې.

د تفصیلاتو له مخې د ځايي کمپنیو او مذهبي ټرسټونو په نوم شل اکاونټونه پرانستل شوي خو پیسې یې د سیاست لپاره کارول شوې.
چارواکي وايي د ۲۰۱۳ کال په جولای میاشت کې د پي ټي ايي له اکاونټ څخه د اسد عمر اکاونټ ته ۱۵ لکه روپۍ انتقال شوې وې او دا پیسې د اسد عمر شخصي اکاونټ ته د زمزم په یوه شخصي بانک کې راغلې وې.

چارواکو ویلي چې قاسم سوري د کوئټې په جناح روډ باندې د یو بانک نه په قسطونو کې ۲۱ لاکه روپۍ ایستلې، دغه بانکي اکاونټ هم د پي ټي ايي سره تعلق لري چې نه دې څرګند شوې. بل اړخ ته ايف آئي اے د بهرنو پيسو د منتقلي په اړه د پلټنو لپاره د شپږ ملکونو سره رابطه کولو فيصله کړي ده۔

چارواکي وايي، استرالیا، کاناډا، سویس، امریکا، متحده عربي اماراتو او سنګاپور ته یې لیکونه استولي، چې د قانون له مخې یې د معلوماتو د تبادلې غوښتنه کړې ده.

د راپور مطابق ايف آئي اے د ابتدائي تحقيقاتو رپورټ ډي جي ايف آئي اے ته ليږلي دي۔ ايف آئي اے د پي ټي آئي فارن فنډنګ کيس کښې کاروائي کولو په وخت په لسګونو جعلي اکاونټس موندلي چې پکښې د ملک او بهر ملکې پيسې منتقل کيدې۔
پي ټي ائي لاهور ته د مذهبي ټرسټ په نوم د يو اکاونټ څخه د 25 لاکه روپۍ انتقال شوې وې او دا پيسې د سېلاب ځپلو لپاره ترلاسه شوې وې خو وروسته د سياسي مقاصدو دپاره استعمال شوې وې.
ايف آئي اے طارق شفيع، حامد زمان او منظور چوهدري ته نوټس جاري کړے دے۔ د طارق شفیع نوم د هغو کسانو په سټاپ لیست کې اچول شوی چې نور به بهر ته سفر نه شي کولی، دا ټول اکاونټونه د پي ټي ايي مرکزي مالياتي بورډ له منظورۍ پرته پرانستل شوي دي.

نور خبرونه