پاکستان په نړیوال جونیر سکواش سیالیو کښې دریم مقام ترلاسه کړو
باغی ټي وي رپورټ
په فرانس کې ترسره شوې ورلډ جونیئر ټیم سکواش چیمپیئن شپ کې پاکستان دریم مقام خپلولو سره د برونز مډال ترلاسه کړو.
پرون په نيمه پايلوبه کې مصر ته له ماتې ورکولو وروسته پاکستانۍ سکواش لوبډلې د درېيم مقام لپاره له ماليزيا سره لوبه کړې وه.
خو د مالیزیا لوبډلې له پاکستان سره لوبه ونه کړه او په دې توګه پاکستان ته د درېیم مقام په لوبه کې بای ورکړل شو.
په رسینو کښې د نشر شوی یو راپور مطابق مالیزیا ولې لوبه ونه کړه؟ په دې اړه تر اوسه کوم معلومات نه دي په ډاګه شوي.
دا خبره د یادونې ده چې پرون په فرانسه کې د روان نړیوال جونیئر سکواش ټیم سیالیو په نیمه پایلوبه کې مصر پاکستان ته ماتې ورکړه.
مصر لوبډلې پاکستان ته په دوو لوبو ماتې ورکړه او فاینل ته یې لاره پیدا کړه. د پاکستان حنظله خان په لومړۍ لوبه کې ناکام شو.
نور زمان په دویمه لوبه کې مصري حریف ته ماتې ورکړه، خو په دریمه او پرېکنده لوبه کې د پاکستان اصحاب عرفان ماتې وخوړه.
نور خبرونه
Leave a reply
