د افغانستان د کرکټ ملي لوبډلې د شل اوريزو لوبو لوبډلمشر او د نړۍ په کچه د پنځوس اوريزو لوبو لومړي درجه الراونډر محمد نبي زوی، حسن نبي عيسی خېل نن په شپږيزه ليګ کې غوره لوبه نندارې ته وړاندې کړه.
حسن نبي نن د خپلې لوبډلې بوست لپاره د ۲ شپږيزو او ۷ څلوريزو پر مټ په ۵۵ توپونو ۷۶ منډې وکړې او د خپلې سيالې لوبډلې هندوکش لپاره يې د ۱۷۴ منډو هدف کېښود.
يوسف ځاځی د کرکټ نوی ستوری؛ شپږېزه ليګ کې يې نن ۵ لوبغاړي وسوځول
کرکټ بورډ وايي، شپږيزه ليګ کې نندارچيانو ته په کېچ نېولو پنځه زره افغانۍ ورکول کيږي
د افغان کرکټ بورډ مشرانو ويلي ؤ چې د شپږيزه ستر ليګ يوه موخه يې دا هم ده چې له کورنی کرکټ څخه د ملي لوبډلې لپاره نوي او غوره استعدادونه پيدا کړي.
د شپږیزه کرکټ ليګ اتم پړاو سیالۍ څو ورځې وړاندې د اته لوبډلو په ګډون سره په کابل کې پيل شوې، چې پنځه بهرنيو لوبغاړو ترڅنګ پکې د افغانستان کورني کرکټ او ملي لوبډلې تقريباً ټول لوبغاړي په خپلو منځونو کې سره سيالۍ کوي.
Leave a Reply