د ګوند څخه وتل،انحراف کول څه وړه خبره نه ده، د ضمیر معامله ده: د پاکستان سپریم کورټ
باغي ټي وي رپورټ
سترې محکمې د پاکستان د تحریک انصاف ګوند د پنجاب اسمبلۍ منحرفه غړو ته امر کړی چې د ګوند د تګلارې پر ضد د رایې ورکولو په نقطه کې د رایو ورکولو لپاره چمتو شي، عدالت وړاندې د ګوند لپاره کینسر اعلان کړی دی، چیف جسټس ویلي دي چې د پارټۍ څخه منحرف کیدل وړه خبره نه ده او دا د ضمیر معامله ده.
د پاکستان د چيف جسټس په مشرۍ درې کسيزه بنچ د اليکشن کميشن د پريکړې په ضد سپريم کورټ کې د پي ټي آئي د پنجاب اسمبلۍ د ناراضه غړو د اپيلونو اورېدنه وکړه.
د مخالفو غړو وکيل وايي چې پي ټي ايي د پنجاب د وزيراعلي د ټاکنې لپاره هېڅ هدايات نه دي ورکړي، د پي ټي ايي د وزيراعلي کانديد پروېز الهي د ټاکنو په ورځ د غونډې بايکاټ کړى وو.
جسټس محمد علي مظهر ريمارکس ورکړو چې دوی د پي ټي آئي غړى وو خو رای ی مسلم ليګ ن ته ووټ ورکړله، چيف جسټس عمر عطابنديال وويل کله چې ستاسو ګوند د غونډې بايکاټ وکړ نو تاسو ولې ګډون کړی وو؟ سترې محکمې لا دمخه د 63A مادې په تفسیر کې انحراف د سرطان په توګه اعلان کړی، انحراف کومه وړه خبره نه ده، دا د انسان د ضمیر مسله ده.
په پنجاب کې د پي ټي ائي له مخصوصو څوکيو نه نااهله شوي درخواست کوونکې او عظمي کاردار روسټرم ته راغله او ويې ويل چې پي ټي ائي زه له ګوند څخه ايستلی يم نو زما قضيه د انحراف څخه بدله ده.
چيف جسټس وويل چې مخصوصې څوکۍ د يو سياسي ګوند د اسمبلۍ د ټولو څوکيو په تناسب دي، مونږ ته دا کتل دي چې کله پي ټي ائي تاسو د پارټۍ څخه بهر کړل نو تاسو څنګه غړي وې؟
عظمی کاردار وویل چې ما د تحریک انصاف لپاره ډېر کار کړی، زه اوس هم د ګوند غړی یم، د ګوند د داخلی سازشونو له امله له ګوند څخه وایستل شوم، بیا هم د اسمبلۍ غړی پاتې شوم، ما د آرټیکل 63A حفاظت وکړ. ما ونه موندل چې انحراف شوی وم.
جسټس محمد علي مظهر وويل ايا اليکشن کميشن ته دا نۀ ده معلومه چې تاسو له ګوند څخه ايستل شوي ی؟ عظمي کاردار وويل چې ټول اسناد يې د ټاکنو کمیشن ته وړاندې کړي دي.
نور خبرونه
پیښور کښې پولیسو د نشه ی توکي او قاچاق کوونکو په ضد کاروایی کړې
Leave a reply
