اقتصادي کمیسیون غونډه کې د سلطان ابراهیم او اغاجان بندونو جوړولو لپاره ګډې کمیټې ته د کارونو د نهایي کولو دنده سپارل شوی.
اقتصادي کمیسیون غونډه کې د سلطان ابراهیم او اغاجان بندونو جوړولو لپاره ګډې کمیټې ته د کارونو د نهایي کولو دنده سپارل شوی.
30 جولاي یکشنبه 2023
د افغانستان اسلامي امارت د ریاستالوزراء عمومي دفتر څخه په یوه تازه خپره شوې خبرپاڼه کې راغلي چې د اقتصادي مرستیال ملا عبدالغني برادر اخوند په مشرۍ د اقتصادي کمېسیون نوبتي غونډه د روان لمریز کال د اسد میاشتې په ۷مه نېټه د شنبې په ورځ په مرمرینه ماڼۍ کې ترسره او له اجنډا سره سم پر ټاکل شوو موضوعاتو بحث وشو.
د اقتصادي کمېسیون په یاده نوبتي غونډه کې د اوبو او انرژۍ وزارت په مشرۍ؛ مالیې وزارت، کانونو او پټرولیم وزارت، صنعت او سوداګرۍ وزارت او ملي پراختیا شرکت څخه جوړې شوې ګډې کمېټې ته دنده وسپارل شوه، تر څو د اسلامي امارت د مشرتابه د حکم مطابق د کانونو په بدل کې د سرپل ولایت د سلطان ابراهیم بند او همدارنګه د ارزګان ولایت د چینارتو ولسوالۍ اړوند د آغا جان بند د جوړولو لپاره عملي تګلاره جوړه او د نهايي تصمیم نیونې په موخه یې د اقتصادي کمېسیون راتلونکي مجلس ته وړاندې کړي.
یاده دې وي چې د سلطان ابراهیم او آغا جان بندونو د جوړولو قرارداد د ملي پراختیا شرکت سره شوی، چې په نږدې راتلونکي کې به یې چارې پيل شي.
اړوند موضوعات
اقتصادي کمیسیون د بوستان سبز او کرنیز شرکت د بیرته فعالولو په اړه هر اړخیز بحث ترسره کړی.
همدارنګه په غونډه کې تر هر اړخیز بحث وروسته پرېکړه وشوه، چې د فراه، هرات او نیمروز ولایتونو په بندرونو کې ترانشيپ بند دی او نفتي توکي به یوازې د ترانزیټ له لارې افغانستان ته واردېږي.
Leave a reply
