اقتصادي کمیسیون د بوستان سبز او کرنیز شرکت د بیرته فعالولو په اړه هر اړخیز بحث ترسره کړی.

0
85

اقتصادي کمیسیون د بوستان سبز او کرنیز شرکت د بیرته فعالولو په اړه هر اړخیز بحث ترسره کړی.

17 جون شنبه 2023

 

د افغانستان اسلامي امارت د ریاست الوزراء له عمومي دفتر څخه په یوه تازه خپره شوې خبرپاڼه کې راغلي چې د یاد ریاست د اقتصادي مرستیال ملا عبدالغني برادر اخوند په مشرۍ د اقتصادي کمېسیون نوبتي غونډه په مرمرینه ماڼۍ کې ترسره او له اجنډا سره سم پر ټاکل شوو موضوعاتو بحث وشو.

 

خبرپاڼه زیاتوي چې د اقتصادي کمېسیون له لوري د صنعت او سوداګرۍ وزارت په مشرۍ؛ د کرنې، اوبو لګولو او مالدارۍ، د کور او ښار جوړولو او اقتصاد وزارتونو څخه ګډې جوړې شوې کمېټې ته دنده وسپارل شوه، چې د بوستان سبز کرنیز او مالدارۍ شرکت د بېرته فعالولو او حقوقي حیثیت معلومولو په اړه د دغه شرکت له ونډه‌والو سره ناستې وکړي او که چېرې ونډه‌وال نشي حاضرېدی، د هغوی له قانوني صلاحیت لرونکو استازو سره دې ناستې ترسره او د بېرته فعالولو لپاره یې دې جدي هڅې وشي.

اړوند موضوعات

اقتصادي کمیسیون مالیې وزارت ته امر کړی تر څو کنړ کې د بریښنا بند د پاتې چارو ترسره کولو لپاره اړین ګامونه واخلي.

 

 

همدا راز یاده غونډه کې د کنړ په ماڼو ولسوالۍ کې د بریښنا بند د پاتې چارو د ترسره کولو په اړه هم هر اړخیز بحث ترسره کړی.

Leave a reply