میدان وردګ جلریز کې سیلاب ځپلو لپاره د خوراکي او غیرخوراکي توکو مرستې رسیدلي او سرپناه ورته جوړیږي.

میدان وردګ جلریز کې سیلاب ځپلو لپاره د خوراکي او غیرخوراکي توکو مرستې رسیدلي او سرپناه ورته جوړیږي.

23 جولاي یکشنبه 2023

د افغانستان اسلامي امارت د میدان وردګ ولایت د رسنیو دفتر له لورې په یوه تازه خپره شوې خبرپاڼه کې راغلي چې یاد ولایت کې د تېرې شپې د سیلابوبو له ګبله د شهیدانو او زیانمنو کورونیو سره د غمشریکۍ، مرستو رسولو، لارو د خلاصولو په موخه د یاد ولایت د والي قاري بختیار معاذ سربیره، د ملکي او نظامي ادارو مسؤلینو له مرکز کابل څخه د امارت لوړ پوړو چارواکو جلریز ولسوالۍ ته سهار سفر وکړ چې تر اوسه پورې یاد مسؤلین هملته په ساحه کې دي.

سیلابونو د یاد ولایت په جلریز، چک، نرخ، دایمیرداد، مرکز میدانښار او سیداباد ولسوالیو کې را وتلي دي، چې ۳۰ شهیدان، ۱۵ ټپیان او تر ۴۰ کسانو پورې لادرکه دي، دغه سیلابونو تر ۲۰۰ پورې کورونه په بشپړ او قسمي ډول ویجاړ کړي، ګڼ شمیر څاروي یې وژلي او په زرګونه جریبه کرنیزه حاصلات له منځه وړي دي.

اړوند موضوعات

میدان وردګ ولایت کې تیره شپه سیلابونو ګڼ ځاني تلفاتو تر څنګ زیات شمیر کورونه نړولي.

د یادولو وړ ده دغه شمیرې د لوړېدو په حال کي دي په سیمه کې د لارو د خلاصون او ژغورلو په موخه بشري قوه او ماشینري کار کوي.