د لوګر مرستیال والي: د کانونو په استخراج سره به افغانستان په ځان بسیا کړو.
د لوګر مرستیال والي: د کانونو په استخراج سره به افغانستان په ځان بسیا کړو.
13 جولاي پنشنبه 2023
د افغانستان اسلامي امارت د لوګر ولایت د رسنیو دفتر له لورې په یوه تازه خپره شوې خبرپاڼه کې راغلي چې تیره ورځ له غرمې مخکې د لوګر مرستیال والي مولوي عنایتالله شجاع په خپل کاري دفتر کې د کانونو وزارت څخه راغلي پلاوي سره وکتل.
د کانونو وزارت استازو لوګر ولایت ته د خپل سفر په اړه معلومات ورکړل او ویې ویل، دوی د لوګر په مرکز او ولسوالیو کې د یو شمېر کانونو د لیدنې په موخه دغه ولایت ته استول شوي دي.
مولوي عنایتالله شجاع د کانونو په برخه کې د کانونو وزارت له هڅو ستاینه وکړه او ویې ویل، افغانستان د کانونو په برخه کې تر ټولو بډایه هېواد دی.
د لوګر مرستیال والي زیاته کړه، موږ کولای شو د کانونو د استخراج له لارې د افغانستان اقتصاد پر ځان بسیا کړو او له دوی یې وغوښتل چې د افغانستان د کانونو د استخراج په برخه کې د کورنیو او بهرنیو پانګوالو د توجه راجلبولو لپاره اغېزمن ګامونه پورته کړي.
اړوند موضوعات
مرستیال والي دوی ته ډاډ ورکړ، چې د لوګر ولایت مقام به د دوی د ستونزو په حل کې لازمه همکاري وکړي.
Leave a reply
