د کابل ولایت والي د یاد ولایت د ۱۴ ولسوالیو ولسوالانو سره د یادو ولسوالیو د امنیت او ستونزو د حل په موخه کتلي.
د کابل ولایت والي د یاد ولایت د ۱۴ ولسوالیو ولسوالانو سره د یادو ولسوالیو د امنیت او ستونزو د حل په موخه کتلي.
11 جولاي سه شنبه 2023
د افغانستان اسلامي امارت د کابل ولایت د رسنیو دفتر له لورې په یوه تازه خپره شوې خبرپاڼه کې راغلي چې د یاد ولایت والي شیخ قاسم خالد او مرستیال والي ملا محمد یونس مخلص د ۱۴ ولسوالیو ولسوالانو سره په ګډه غونډه کې ولسوالانو خپل کاري راپورونه شریک او په اړوندو ولسوالیو کې یې د وروستیو پرمختګونو او لاسته راوړنو په اړه توضیحات وړاندې کړل.
راغلو ولسوالانو وویل؛ د ا.ا په راتګ سره د خلکو ژوند کې ژور مثبت بدلون راغلی او خلک په ارامه فضا کې خپلې چارې پر مخ وړي.
د کابل والي ښاغلي خالد د دوی ته لازمي سپارښتنې وکړي، او د دوی ستونزې او وړاندیزونه واورېدل او د حل په برخه کې یې پوره ډاډ ورکړ. کابل والي دغه راز ولسوالانو څخه غوښتنه وکړه، چې د ولس او نظام د لا نېږدې والي لپاره د ولسونو سره ترحم او عاطفه څخه کار واخلي او زیاته کړه ؛ چې د عاشورا په ورځو کې د اهل تشیع هیوادوالو لپاره امنیت ته ځانګړي پاملرنه وکړئ
هیره دې نه وي د یاد ولایت والي وویل: د ولسوالیو د ښاروالي مدیریت عواید دې بېرته د دې ولسواليو په ښار کې پر ښکلا او منظم پلان، سړک جوړولو او نورو رغنیزو پروژو باندې ولګول شي.
اړوند موضوعات
ښاغلي خالد د خلکو ستونزو ته د رسېدنې په برخه کې پر جدي اقدام او ژر تر ژره د هغوی د ستونزو پر حل ټینګار وکړ. شیخ محمد قاسم خالد دغه راز وویل؛ ولسونو له موږ سره ډیره همکاري کړې نو اوس پر موږ لازمه ده، چې د ولسونو ستونزې حل کړو.
دکابل ولایت مقام رسنیز دفتر
Leave a reply
