په قطر کې د افغانستان اسلامي امارت سفیر د ریاست الوزرا اداري مرستیال سره لیدلي.
په قطر کې د افغانستان اسلامي امارت سفیر د ریاست الوزرا اداري مرستیال سره لیدلي.
26 جون دوشنبه 2023
د افغانستان اسلامي امارت د ریاست الوزراء له عمومي دفتر څخه په یوه تازه خپره شوې خبرپاڼه کې راغلي چې د یاد ریاست اداري مرستیال مولوي عبدالسلام حنفي نن ماسپښين په قطر کې د افغانستان اسلامي امارت سفیر ډاکتر محمد نعیم سره وکتل.
په دې کتنه کې لومړی ډاکتر محمدنعیم په قطر کې د افغانستان د سفارت د کړنو او لاسته راوړنو په اړه د ریاست الوزرا اداري معاونیت مقام ته راپور ورکړ.
په قطر کې د اسلامي امارت سفیر وویل، په دوحه کې یې د مسوولیت د پيل راهیسې د افغانستان او قطر ترمنځ د نږدې او په متقابل درناوي د ولاړو اړیکو د ایجاد او همدارنګه په قطر کې مېشتو هیوادوالو ته د اسانتیاوو برابرولو لپاره خپلې ټولې هڅې کړي او د اسلامي امارت د مشرانو د لارښوونو مطابق یې زیاتې بریاوې لرلې دي.
د ریاست الوزرا اداري مرستیال مولوي عبدالسلام حنفي په قطر کې د هیواد د سفارت د فعاله او کارنده ډيپلوماسۍ قدرداني وکړه.
د ریاست الوزرا اداري مرستیال وویل، په بهر کې د اسلامي امارت سیاسي استازولۍ دې کوښښ وکړي چې له اسلامي هیوادونو سره په دوستانه اړیکو د ولاړې ډيپلوماسۍ له لارې د کوربه هیوادونو خلکو ته د نظام واقعي بڼه ور وښيي.
اړوند موضوعات
د ریاست الوزراء اداري مرستیال د افغانستان د سوداګرۍ او پانګونې خونې له سرپرست او مرستیال سره کتلي.
مولوي عبدالسلام حنفي د افغانستان او قطر ترمنځ په متقابل درناوي د ولاړو دوستانه اړیکو غوښتونکی شو او وې ویل چې سفارت باید په قطر کې مېشتو افغانانو ته د اسانتیاوو او د نږدې او دوستانه اړیکو لپاره زیات کوښښ وکړي.
Leave a reply
