د ننګرهار سرپرست والي د سپين غر ولسوالۍ قومي مخورو سره د بيا رغونې په موخه غونډه ترسره کړی.
23 جون جمعه 2023
د افغانستان اسلامي امارت د ننګرهار ولایت رسنیو دفتر له لورې په یوه تازه خپره شوې خبرپاڼه کې راغلي چې د یاد ولایت مرستیال او سرپرست والي مولوي محمد رباني ناصح د يو شمېر مسئولينو په ملتيا د سپين غر مامندرې سيمې ته د سفر په ترڅ کې قومي مشرانو سره د بيا رغونې په موخه غونډه وکړه.
يادې غونډې ته په وينا کې د سيمې خلکو په استازيتوب مفتي زينت له مسئولينو مننه وکړه، چې د دوی پوښتنه يې وکړه او په دې ولسوالۍ کې د بيا رغونې په موخه کار کوي.
نوموړي وويل، چې اشغالګرو او خوارجو د دې ولسوالۍ خلکو ته کافي زيانونه اړولي دي او په کار ده چې قربانيو ته په کتلو يې لاسنيوی وشي او په کې د بيا رغونې چارې تر سره شي.
اړوند موضوعات
د ننګرهار مرستيال والي د یاد ولایت ګڼ شمېر مراجعينو ستونزې او وړنديزونه د حل په موخه اورېدلي.
قومي مخورو ملک کمين، ملک محمود او ملک محمد صادق وويل، چې شل کاله يې ولسوالۍ سره کرښه وه او ورته هيڅ ډول کار نه دی شوی، دوی د پوهنې، کرنې، روغتيا، بندونو، کانالونو او سړکونو جوړولو، بيا مېشته کېدنې، د ړنګ شويو کورونو ابادولو او نورو برخو کې غوښتنې وکړې.
په یاده غونډه کې د ننګرهار ولایت لوړ رتبه مسؤلینو ګډون او ویناوې ترسره کړی.
Leave a Reply