د ریاست الوزراء سیاسي مرستیال د قطر د الغرافه خیریه بنسټ له مسؤلینو سره لیدلي.
د ریاست الوزراء سیاسي مرستیال د قطر د الغرافه خیریه بنسټ له مسؤلینو سره لیدلي.
16 جون جمعه 2023
د افغانستان اسلامي امارت د ریاست الوزراء له عمومي دفتر څخه په یوه تازه خپره شوې خبرپاڼه کې راغلي چې د یاد ریاست سیاسي مرستیال مولوي عبدالکبیر نن د قطر د الغرافه خیریه بنسټ له اجرایوي رئيس او مرستیال عبدالله جلال جلال او د دې بنسټ له مالي مسؤول احمد محمد صلاح الدین فتح الله الکوراني سره ولیدل.
د الغرافه بنسټ اجرایوي رئيس او مرستیال عبدالله جلال جلال وویل، له یوې لسیزې ډېره موده کېږي چې د افغانستان په ګڼو ولایتونو کې د پراختیايي او بشري مرستو په برخه کې کار کوي.
هغه زیاته کړه، دا مهال په هرات، نیمروز، فراه، کندهار او بلخ ولایتونو کې د کرنې، جوماتونو جوړولو او د خوراکي توکو د وېش پروژې جریان لري او په نږدې راتلونکې کې به په کابل کې د الغرافه بنسټ له لوري پیل شوی ښارګوټی هم پرانیستل شي.
د الغرافه بنسټ استازو وویل، ډېرې قطري خېریه ټولنې د افغانانو همکارۍ او لاسنیوي ته چمتو دي او همدا راز به الغرافه بنسټ خپل فعالیتونه د افغانستان نورو سیمو ته هم وغزوي.
مولوي عبدالکبیر، په افغانستان کې د الغرافه بنسټ د چارو مننه وکړه او ویې ویل، افغانان د بشري مرستو ترڅنګ، لومړنیو اساسي خدماتو ته د لاسرسي لپاره د بنسټونو رغاولو ته اړتیا لري.
اړوند موضوعات
مولوي عبدالکبیر وویل، په افغانستان کې د امنیت له ټېنګښت سره هرې سیمې ته د مرستو رسولو او پکې د بنسټونو رغاولو زمینه برابره شوې ده. نوموړي د قطرپه ګډون ټولو هېوادونو اومرستندویه ټولنو ته بلنه ورکړه، چې د افغانستان په رغاولو او له افغانانو سره په مرستو کې ونډه واخلي.
Leave a reply
