د ریاست الوزراء سیاسي مرستیال د اوبو او انرژۍ وزارت له سرپرست سره د اوبو مهارولو او بریښنا بندونو په اړه خبرې کړي.
د ریاست الوزراء سیاسي مرستیال د اوبو او انرژۍ وزارت له سرپرست سره د اوبو مهارولو او بریښنا بندونو په اړه خبرې کړي.
14 چهارشنبه 2023
د افغانستان اسلامي امارت د ریاست الوزراء له عمومي دفتر څخه په یوه تازه خپره شوې خبرپاڼه کې راغلي چې د یاد ریاست سیاسي مرستیال مولوي عبدالکبیر تیره ورځ د اوبو او انرژۍ له وزیر مولوي عبداللطيف منصور سره ولیدل.
د اوبو او انرژۍ وزارت سرپرست منصور د یاد وزارت د کارونو، وروستیو لاسته راوړنو او راتلونکو پروګرامونو په اړه د ریاست الوزراء سیاسي مرستیال او کفيل ته هراړخيزه معلومات ورکړل.
نوموړي وویل، تېر کال سېلابونو په ځینو سیمو کې هېوادوال زیانمن کړي دي، سږکال زیانمنیدونکې سیمې تشخیص او پېښو ته د رسېدو پلان يې جوړ شوی دی.
مولوي عبداللطيف منصور زیاته کړه: سږ کال اوبه تر ډېره مهار شوي او د دې وزارت مسلکي غړي هڅه کوي چې د مهارولو لپاره یې په ملي کچه برنامه جوړه او وچکالۍ ځپلو سیمو ته اوبه ورسوي او تر څنګ يې د برېښنا د تولید ظرفیت هم لوړ کړي.
نوموړي وویل، د اوبو د مهارولو په برخه کې ټولو شویو تړونونو ته ژمن دي او حقوقي موضوعات یې په نظر کې نیولي دي.
د ریاست الوزراء سیاسي مرستیال مولوي عبدالکبیر وویل، افغانستان د وچکالۍ سختې څپې ځپلی دی، کروندګر له ستونزو سره مخ دي، په اکثرو ښارونو او سیمو کې د اوبو کچه ښکته تللې چې له امله يې خلک د څښاک اوبو له ستونزو سره مخ دي.
مولوي عبدالکبیر وویل، اړتیا ده چې د کابل او نورو ښارونو او سیمو لپاره د پاکو اوبو د برابرولو او وچکالۍ سره د مبارزې لپاره په اوږدمهالي او لنډمهالي پلان کار وشي.
اړوند موضوعات
هغه همداراز د چارو د لا زيات بهبود او ښه والي په خاطر د اوبو او برېښنا وزیر ته لازمې سپارښتنې وکړې.
Leave a reply
