د ریاست الوزراء اداري مرستیال د پاکستان په کراچۍ ښار کې د اسلامي امارت د جنرال قونسل سره کتلي.
د ریاست الوزراء اداري مرستیال د پاکستان په کراچۍ ښار کې د اسلامي امارت د جنرال قونسل سره کتلي.
27 مئي شنبه 2023
د افغانستان اسلامي امارت د ریاست الوزراء له عمومي دفتر څخه په یوه تازه خپره شوې خبرپاڼه کې راغلي چې د یاد ریاست اداري مرستیال مولوي عبدالسلام حنفي نن له غرمې مخکې د پاکستان په کراچۍ ښار کې د افغانستان جنرال قونسل مولوي سید عبدالجبار سره وکتل.
مولوي سید عبدالجبار په کراچۍ کې د افغان کډوالو د وضعیت، ننګونو او ستونزو راپور شریک کړ.
په کراچۍ کې د افغانستان جنرال قونسل وویل، دوی توانېدلي ۲۳۴۲ افغانان چې د کراچۍ په زندان کې بندیان وو، له بنده آزاد کړي او د پاتې نورو وطنوالو د ازادولو هڅې هم دوام لري.
نوموړي زیاته کړه، دوی به په پاکستان کې مېشتو او کډوال افغانانو ته په بېلابېلو برخو کې د خدمت په موخه خپلې ټولې هڅې وکړي.
د ریاست الوزراء اداري مرستیال مولوي عبدالسلام حنفي په کراچۍ کې د افغانستان له جنرال قونسل سره پر کتنې خوښي څرګنده او په پاکستان کې مېشت افغان کډوالو ته یې د خدمت په برخه کې د دوی نه ستړې کېدونکي هلې ځلې وستایلې.
د ریاست الوزراء اداري مرستیال زیاته کړه: په ټولو هیوادونو په ځانګړي ډول هغو هیوادونو کې چې د زیاتو افغان کډوالو کوربتوب کوي، سیاسي او قونسلي استازولۍ مسولیت لري چې د مراجعینو ستونزو او چارو ته غوره او بهتره رسیدګي وشي.
اړوند موضوعات
هغه زیاته کړه، اسلامي امارت له ټولو ګاونډیو هیوادونو سره نېک او حسنه روابط غواړي او د افغانستان نمایندګۍ دې له دغو هیوادونو سره د نېکو او حسنه ډپلوماټیکو مناسباتو او روابطو د ټینګښت لپاره لا زیاتې هڅې وکړي.
Leave a reply
