د کډوالو چارو سرپرست وزیر کابل کې میشت د پاکستان له سفیر سره د کډوالو افغانانو پر وضعیت خبرې اترې کړي.
د کډوالو چارو سرپرست وزیر کابل کې میشت د پاکستان له سفیر سره د کډوالو افغانانو پر وضعیت خبرې اترې کړي.
26 مئي جمعه 2023
د افغانستان اسلامي امارت د کډوالو او بیرته راستنېدونکو چارو وزارت له لورې په یوه تازه خپره شوې خبرپاڼه کې راغلي چې د یاد وزارت سرپرست وزیر خلیل الرحمان حقاني تیره ورځ په پاکستان کې د مهاجرینو د ستونزو د حل په موخه د پاکستان له سفیر عبید الرحمان نظاماني سره په خپل کاري دفتر کې وکتل.
په دغه ناسته کې افغانانو ته د ویزو اسانه کولو، سرحدي دروازو کې د اسانتیاو رامنځته کولو، د افغان بندیانو د خلاصون، افغانانو ته د بانکي حسابونو پرانیستلو، موټر لایسنس جوړولو او یو لړ نورو ستونزو او مشکلاتو خبرې وشوې.
د کډوالو سرپرست وزیر له نوموړي وغوښتل، چې په پاکستان کې افغانانو ته د حج فریضې ادا کولو لپاره ځانګړې کوټه ورکړي او کوم افغانان، چې غواړي د افغانستان له لارې حج ته ولاړ شي په سرحدي دروازو کې د تګ راتګ اسانتیاوې ورته برابرې کړي.
ښاغلي نظاماني وویل، د مهاجرینو ستونزې چې په مخکې ناستو کې هم له دوی سره شریکې شوې وې د پاکستان د بهرنیو چارو له وزارت سره شریکې کړي او د هغوی لخوا مثبت ځواب ته په تمه دی.
اړوند موضوعات
نوموړي ډاډ څرګند کړ، چې د مهاجرینو خدمت خپل مسؤلیت او د ځان لپاره د اجر او ثواب لامل ګڼي او په دې برخه کې به خپلې همکارۍ ته دوام ورکړي.
Leave a reply
