کرنې وزارت وایي: تیر کال د هېواد په کچه څه باندې ۷۲ زره میټرک ټنه پنبه/ مالوچ راټول شوي دي.
27 اپریل پنشنبه 2023
د افغانستان اسلامي امارت د کرنې او مالدارۍ وزارت له لورې په یوه تازه خپره شوې خبرپاڼه کې راغلي چې په ۱۴۰۱ کال کې د هېواد په کچه په ۵۴زره او ۸۶۹ هکټاره ځمکه پنبه کرل شوې وه، چې له دغو کروندو څخه ۷۲ زره او ۴۹۳ مټریک ټنه مالوچ راټول شوي دي.
د پنبې ډېری کروندې د بلخ، تخار، کندز، هلمند، ننګرهار، هرات، نیمروز، بغلان او جوزجان ولایتونو کې دي او ډېری حاصلات یې هم له همدغو ولایتونو راټول شوي دي.
پنبه د صنعتي نباتاتو له ډلې دي، چې په ملي او نړیواله کچه ډېر پېرېدونکي لري. په افغانستان کې له پنبې څخه د خوړنیزو توکو له چمتو کولو نیولې آن تر پوښاک پورې ترې ګټه اخیستل کېږي او په افغانستان کې د پنبه دانې غوړي په اخلې پخلې کې ډېر کارول کېږي.
اړوند موضوعات
کرنې او مالدارۍ وزارت وایي هېواد کې څه باندې ۵۸ زره مټریک ټنه د ګنیو حاصل راټول شوی دی.
ددې لپاره چې په افغانستان کې د کوکنارو کرکېله منع شوې ده، د پنبې کرکیله او تولید په افغانستان کې د کوکنارو غوره بدیل کڼل کېږي.
Leave a Reply