د کابل ښاروالۍ له لوري د خیرخانې کوتل د دویمې برخې سړک د پراختیا چارې پیل شوی.
13 اپریل 2023 پنشنبه
د افغانستان اسلامي امارت د کابل ښاروالۍ له لورې په یوه تازه خپره شوې خبرپاڼه کې راغلي چې د ترافیکي ګڼې ګوڼې د کمښت او ترانسپورټي آسانتیاو ته د لاس رسي په موخه د خیرخانې کوتل د دویمې برخې سړک د پراختیا چارې د ریاست الوزرا د اقتصادي مرستیال ملا عبدالغني برادر له لوري په داسې حال کې چې، کابل ښاروال مولوي عبدالرشید یې ملتیا کوله د پټۍ په پرېکولو سره پیل شوې.
په یادو مراسمو کې د ریاست الوزار مرستیال د کابل ښار لپاره د کابل ښاروالۍ ترسره کړي فعالیتونه وستایل او خپل رضایت او کلک ملاتړ یې تري څرګند کړ، او ویې ویل چې، د کابل ښار د پراختیا او معیاري ودې په موخه به روان کال پرلپسې ګڼ شمېر پروژې پلې شي.
نوموړي له ښاریانو وغوښتل چې،د پروژو په پلي کولو او د نورو خدماتو په وړاندې کولو کې له کابل ښاروالۍ سره همکار و اوسي.
اړوند موضوعات
ګردېز ښاروالۍ د ۱۰ میلیونه افغانیو په ارزښت يو شمېر ټولګټې پروژې ګټه اخیستنې ته وسپارلې.
د کابل ښاروالۍ د ودانیزو چارو او ښاري ترانسپورټ مرستیال انجنیر عامر یاسر د خیرخانې کوتل د دویمې برخې سړک په اړه معلومات وړاندې کړل او ویې ویل چې، د کوتل کیڼ اړخ ته دا سړک له سرای شمالي چوک د کوتل تر بازاره پورې غځیږي چې، ۳۷۱۰ متره اوږدوالی او ۲۷ متره پراخوالی لري او د کابل ښاروالۍ له داخلي بودجې پرې ۳۷۰ میلیونه افغانۍ لګښت راځي.
Leave a Reply