د اداري کمیسیون غونډه کې د جمهوریت روغتون پر اړتیاوو او نورو موضوعاتو هر اړخیز بحث ترسره شوی.
31 مارچ جمعه 2023
د افغانستان اسلامي امارت د ریاست الوزراء د دفتر ارګ څخه په یوه تازه خپره شوې خبرپاڼه کې راغلي چې د یاد ریاست د اداري مرستيال مولوي عبدالسلام حنفي په مشرۍ نن د اداري کمېسيون غونډه ترسره شوه.
په دغه غونډه کې د تدارکاتي چارو د پرچون خريدارۍ لپاره د غير بودجوي ادارو پر پولي صلاحيتونو او همداراز د عامې روغتيا وزارت د تخنيکي، تخصصي او مسلکي استازو په حضور کې د جمهوريت روغتون پر اړتیاوو بحث ترسره شو.
اړوند موضوعات
د رياست الوزرا اداري مرستيال د کابل والي سره د دې ولایت د خلکو په غوښتنو او ستونزو خبرې کړي.
همدا راز د جمهوریت روغتون د ريفورم پر اړتياوو؛ د روغتون د بریښنا پر ترميم او برابرولو، د جمهوريت روغتون د بندېدو په صورت کې د ياد روغتون د کارکونکو لپاره د بديل لارې موندلو، په غير رسمي وختونو کې د ډاکترانو پر عمومي تشکيل، عادي، امتيازي او تخصصي معاشونو او د جمهوريت روغتون د ورځنيو چارو پر مخ وړو لپاره د بودجې تخصيص او په مياشتني ډول د هغه ورکولو په اړه هر اړخيز بحث وشو او په پای کې لازم تصميمونه ونيول شول.
Leave a Reply