د افغاني سرې میاشتې سرپرست دوحه کې د افغانستان لپاره د جنوبي کوریا شارژدافیر سره پر بشري مرستو خبرې کړي.

د افغاني سرې میاشتې سرپرست دوحه کې د افغانستان لپاره د جنوبي کوریا شارژدافیر سره پر بشري مرستو خبرې کړي.

13 مارچ دوشنبه 2023

د افغاني سرې میاشتې سرپرست عمومي رئیس مولوي مطیع الحق خالص او د افغانستان لپاره د جنوبي کوریا شارژدافیر مون سنګ هان د قطر پلازمینه دوحه کې له افغانستان سره د بشري مرستو، دوه اړخیزې همکارۍ او پیاوړو اړیکو پر موضوعاتو ناسته ترسره کړه.

ناسته کې د افغاني سرې میاشتې سرپرست عمومي رئیس د افغانستان سره د جنوبي کوریا له کړو بشري مرستو د مننې په ترڅ کې د نورو مرستو غوښتنه وکړه.

نوموړي وویل “افغانستان کې دا مهال د رواني ناروغانو او بې سرپرسته وګړو لاسنیوي ته سخته اړتیا ده؛ ترڅو د دوی ساتنه او پالنه وشي؛ همدا ډول بې سرپرسته کورنیو ته حِرفوي زده کړې کولی شي دوی له بېوزلۍ وژغوري”.

نوموړي د جنوبي کوریا له شارژدافیر وغوښتل، چې دې برخو کې افغاني سرې میاشتې ته لاس ورکړي او خپلې مرستې جاري وساتي.

د جنوبي کوریا شارژدافیر ښاغلي مون سنګ هان ډاډ څرګند کړ او ژمنه یې وکړه، چې افغانستان سره به مرستې روانې وساتي او بېوزلو کورنیو ته به د حِرفوي زده کړو برخه کې لازمه همکاري کوي.

اړوند موضوعات

د افغاني سرې میاشتې سرپرست دوحه کې د افغانستان لپاره د نیدرلینډ له سفیر سره د بشري مرستو په تړاو خبرې کړي.

نوموړي وویل “مونږ د تېر په څېر د افغاني سرې میاشتې تر شا ولاړ یو او هڅه به وکړو، چې مرسته کوونکو بنسټونو ته د افغانانو انځور او د مرستو اړتیا ور وړاندې کړو”.