د ترافیکو عمومي ریاست د یوه کیلي ښي لاس موټرو ته درې کلن پلېټونه او جوازونه ورکوي.
11 مارچ شنبه 2023
د ترافیک پولیسو عمومي رییس، پاسوال حسیب الله مختار نن ورځ د حکومت د رسنیو مرکز کې یوې خبرې غونډې کې وویل: وروستیو درې لسیزو کې یوه کیلي ښي لاس وسایط په ناقانونه ډول هېواد ته را وارد شوي چې دې چارې په ترافیکي نظام او ښاري نظم کې زیاتې ستونزې رامنځته کړي دي.
د نوموړي په خبره، د ترافیکي نظم ښه والي، جنایي جرمونو کچې کموالي او د هېواد اقتصاد پیاوړتیا په خاطر، د اسلامي امارت کابینې د پرېکړې له مخې، یوه کیلي (ښي لاس) وسایطو ته درې کلن پلېټونه او جوازونه ورکول کېږي.
د ترافیک پولیسو عمومي رییس زیاته کړه: په مرکز او ولایتونو کې د وسایطو د ثبتولو مرکزونه فعال شوي او د یوه کیلي ښي لاس وسایطو ثبتېدو لپاره اړینې اسانتیاوې برابرې شوي دي.
دغه راز ښاغلي مختار وویل: د روان کال د کب په شلمه، په ټول هېواد کې د یوې کیلي ښي لاس وسایطو د ثبتولو بهیر پیلېږي او له هېوادوالو نه مې غوښتنه داده چې خپل وسایط ثبت کړي.
اړوند موضوعات
اسلامي امارت: تیرو ۸ میاشتو کې د ترافیکي پیښو له کبله ۷۰۰ تنه مړه او زر تنه نور ټپیان شوي دي.
د ترافیک پولیسو عمومي رییس ټینګار وکړ، چې که متصرفین په راتلونکو درې میاشتو کې خپل نقلیه وسایط ثبت نه کړي، نو وسایط یې ضبطېږي او له متصرفینو سره یې قانوني چلند کېږي.
Leave a Reply