د راتلونکي کال د حج په تړاو د حج او اوقافو وزیر د آریانا افغان هوايي شرکت له مسؤلینو سره خبرې اترې کړي.
د راتلونکي کال د حج په تړاو د حج او اوقافو وزیر د آریانا افغان هوايي شرکت له مسؤلینو سره خبرې اترې کړي.
24 فبروري 2023
د افغانستان اسلامي امارت د ارشاد، حج او اوقافو وزارت له لورې په یوه تازه خپره شوې خبرپاڼه کې راغلي چې د یاد وزارت سرپرست وزیر شیخ مولوي نور محمد ثاقب د آریانا افغان هوايي شرکت له رئیس مولوي رحمت الله آغا سره په خپل کاري دفتر کې وکتل.
یاده کتنه کې د ارشاد، حج او اوقافو وزیر د خپلو خبرو په ترڅ کې په روان ۱۴۴۴ هجري قمري کال کې د افغان حاجیانو د لیږد را لیږد د قراردادونو په تړاو او همدا راز په ځینو نورو بېلابېلو موضوعاتو خبرې وکړې.
او زیاته یې کړه، چې آریانا افغان هوایي شرکت یو ملي او دولتي (امارتی ) شرکت دی ، چې د دې وزارت سره تل همکار پاتې شوې دی.
همدا راز ښاغلي ثاقب د ياد شرکت د خدمتونو وړاندې کولو او دغه امارتی شرکت ته د پاملرنۍ او ودي ورکولو په اړوند تفصیلی خبرې وکړې.
اړوند موضوعات
د آریانا افغان هوایي شرکت د رئیس لخوا د شته ظرفیتونو او اسانتیاوو او په راتلونکي حج کې د حاجیانو د لېږد د پلان په اړه هر اړخیز معلومات وړاندې شول او زیاته یې کړه، چې د حاجيانو لېږد سوداګري نه، بلکې خپل ديني او ملي مکلفيت ګڼو او ژمنه يې وکړه چې حاجيانو ته د لا زياتو اسانتياوو په برابرولو کې هر راز همکاریو ته چمتو يو.
Leave a reply
