ډاکټر ملا عبدالواسع: داخلي او نړیوال سوداګر دې د افغانستان اړوند مسائلو ته لومړیتوب ورکړي.
ډاکټر ملا عبدالواسع: داخلي او نړیوال سوداګر دې د افغانستان اړوند مسائلو ته لومړیتوب ورکړي.
21 فبروري 2023
د ریاست الوزراء مقام د دفتر لوی رئیس ډاکټر ملا عبدالواسع نن مازدیګر د ام ټي ان مخابراتي شرکت له عمومي رئیس ښاغلي عباد ردا سره د ویډیو کنفرانس له لارې د خبرو پر مهال د یاد شرکت اړوند د خدماتو او فعالیتونو راپور واورېد.
د ام ټي ان مخابراتي شرکت عمومي رئیس څرګنده کړه دوی د افغانستان لپاره د خپلو خدماتو اړوند (۳) کلن ماډرن پلان لري چې په نژدې راتلونکې کې به عملي شي.
نوموړي په خپلو خبرو کې د افغانستان اسلامي امارت له لورې د بهرنيو سوداګرو او مخابراتي شرکتو د ملاتړ غوښتنه هم وکړه.
د ریاست الوزراء مقام د دفتر لوی رئیس ډاکټر ملا عبدالواسع په خپلو خبرو دېته په اشارې چې تېر شل کلن دور کې افغانان ډېر ځورېدلي او د پرمختګ مخه یې ډب شوی ده وویل، په افغانستان کې ټولې مخابراتي شبکې باید په خپل منځ کې سالم رقابت ترسره کړي.
ډاکټر ملا عبدالواسع څرګنده کړه، داخلي او نړیوال سوداګر دې د ملت د آبادۍ په موخه راسره همکاري وکړي او په خپلو چارو کې دې د افغانستان اړوند مسائلو ته لومړیتوب ورکړي.
نوموړي دغه راز له ام ټي ان شرکت څخه د خدماتو وړاندې کولو په برخه کې د لازیات شفافیت، پراختیا، تخفیف او چټکتیا غوښتنه هم وکړه.
اړوند موضوعات
د ریاست الوزراء د دفتر عمومي رئیس په افغانستان کې د ناروې کمېټې له رئیس او مل پلاوي سره کتلي.
ډاکټر ملا عبدالواسع د ام ټي ان شرکت لوی رئیس ښاغلي عباد ردا او د ده د ګروپ له لارې ټولو هغو نړیوالو سوداګرو ته چې د افغانانو د ښېګڼې لپاره یو ګام هم پورته کوي، افغانستان ته د راتګ او پانګونې بلنه ورکړه.
Leave a reply
