اسلامي امارت د بلاول بوټو هغه څرګندونې بې بنسټه بللي چې پکې افغانستان د سیمې او نورو هیوادونو ته ګواښ بلل شوی.
اسلامي امارت د بلاول بوټو هغه څرګندونې بې بنسټه بللي چې پکې افغانستان د سیمې او نورو هیوادونو ته ګواښ بلل شوی.
19 فبروري 2023
د افغانستان اسلامي امارت د بهرنیو چارو وزارت پخپله یوه تازه خپره شوې خبرپاڼه کې پاکستان د بهرنیو چارو وزیر بلاول بوټو د هغه څرګندونو ته غبرګون ښودلی چې پکې افغانستان یې د سیمې او نړۍ هیوادونو ته ګواښ بللی.
بهرنیو چارو وزارت ویلي چې د پاکستان د بهرنیو چارو وزیر بلاول بوټو هغه څرګندونې له حقیقته لرې دي چې د ده په وینا ښايي ترهګرې ډلې له افغانستان څخه ترهګریز فعالیتونه وکړي او که نړیواله ټولنه دې مسئلې ته جدي پام ونه کړي نو د پاکستان په څېر به نه یوازې د افغانستان نږدې ګاونډیانو ته ګواښ شي، بلکې غرب ته به هم ګواښ وي ځکه افغان حکومت لا تر اوسه منظم امنیتي ځواکونه نه لري.
د افغانستان اسلامي امارت د سیمې او نړۍ هېوادونو ته په عمل کې ثابته کړې چې د منظمو او مجربو امنیتي ځواکونو پر مټ يې هیچاته اجازه نه ده ورکړې چې د افغانستان خاوره د چا پر ضد وکاروي.
د یادولو ده چې د افغانستان امنیت اوس د نړۍ تر ډېرو هېوادو ښه دی، غواړو د سیمې او نړۍ د هېوادونو پام دې حقیقت ته راوګرځوو چې اسلامي امارت هم د اشغال پرمهال او هم له فتحې وروسته د افغانستان او سیمې د امنیت ټینګښت لپاره کوټلي ګامونه پورته کړي دي، چې په پایله کې يې نه یوازې د افغانستان بلکې د ټولې سیمې امنیت سره مرسته کړې ده او د سیمې د امنیت پرخلاف تر ډېره د پخوانیو ګواښونو مخه نیول شوې ده.
د پاکستان وروستۍ نا امني نوې نه ده بلکې د تېرو شلو کالو تسلسل دی. د ا. ا. ا. ټینګه اراده لري چې هیچا ته به اجازه ور نه کړي چي د افغانستان خاوره د نورو هیوادونو په ځانګړې توګه د ګاونډیانو پر ضد وکاروي.
اړوند موضوعات
همداراز پاکستان ته مشوره ورکوو چي په نړیوالو کانفرانسونو کې د شکایت پرځای دې دوه اړخیز مسایل مخامخ له افغان حکومت سره بحث کړي.
Leave a reply
