سراج الدین حقاني: موږ له نړۍ سره مثبت تعامل کړی او غواړو یې، د رسمیت پیژندنې لپاره دې پلمې نه لټوي.
سراج الدین حقاني: موږ له نړۍ سره مثبت تعامل کړی او غواړو یې، د رسمیت پیژندنې لپاره دې پلمې نه لټوي.
12 فبروري 2023
یادې خبرې د کورنیو چارو سرپرست وزیر خلیفه سراج الدین حقاني تیره ورځ خوست کې د یوې مدرسې د دستاربندۍ په مراسمو کې وکړې.
د کورنیو چارو وزارت له لورې په تازه خپره شوې خبرپاڼه کې راغلي چې د یاد وزارت سرپرست خلیفه سراج الدین حقاني نن خوست ولایت ته د سفر په ترڅ کې د دغه ولایت د جامعه منبع الجهاد مدرسې دیني عالمانو په فراغت غونډه کې ګډون وکړ.
د کورنیو چارو وزارت سرپرست په دغه مراسمو کې له فارغ شویو کسانو څخه غوښتنه وکړه، چې د خپل پیغمبر د وراثت دنده په عمل کې ترسره او خپل وراثت ثابت کړي.
حقاني زیاته کړه، چې اسلامي نظام د مجاهدینو او ولسونو د بېساري قربانيو پایله ده او د لا ټينګښت په موخه هلې ځلې يې د ټولو مسوولیت دی.
نوموړي له نړۍ سره پر مثبت تعامل ټینګار وکړ او ويې ویل چې د رسمیت پېژندنې لپاره دې پلمې نه لټوي او خپلې ژمنې دې عملي کړي.
د کورنیو چارو وزارت سرپرست زیاته کړه، چې هیچا ته به موقف څخه د غلطې ګټې اخیستنې او ولس د ننګوولو او له خپلو حقوقو څخه د بې برخې کولو اجازه ورنکړي.
خلیفه سراج الدین حقاني امنیتي مسوولینو ته له ولسونو سره د ښه چلند سپارښتنه وکړه.
اړوند موضوعات
د یادونې وړ ده، چې په دغه مراسمو کې د کورنیو چارو وزارت مرستیال مولوي محمد نبي عمري، د خوست والي ملا بسم الله عبدالله، د عالمانو شورا رئيس شیخ انور حسین او یو شمېر نورو مسولینو هم ګډون درلود.
حماد
Leave a reply
