ننګرهار رسنیو دفتر: د ننګرهار کانال ریاست کې د مالټو تازه بڼونه جوړیږي.
ننګرهار رسنیو دفتر: د ننګرهار کانال ریاست کې د مالټو تازه بڼونه جوړیږي.
12 فبروري 2023
د افغانستان اسلامي امارت د ننګرهار رسنیو دفتر له لورې په څو تازه ټویټونو کې راغلي چې د یاد ولایت د کانال ریاست چارواکي وايي، چې د دې ریاست اړوندو ځمکو کې د سټروسو په ځانګړې توګه د مالټې بڼونو جوړولو لپاره هڅې ګړندی شوي دي.
د ننګرهار کانال رییس مولوي غلام الرحمن کظیم وویل، چې د ننګرهار کانال د هډې فارم عبدالخېلو بلاک په ۲۰۰جریبه ځمکې باندې د مالټې بڼونه جوړېږي، چې په کې به ۱۳۲۰۰ اعلی ډول مالټې کرل کېږي.
د دې بڼ د کار د پیل په موخه جوړه شوې غونډه کې د کرنې، اوبولګولو او مالدارۍ وزارت مسلکي مرستیال مولوی صدراعظم، د ننګرهار دکانال رییس مولوی غلام الرحمن کظیم، د ننګرهار دکرنې او یوشمېر نورو چارواکو ګډون درلود او د یاد چارواکو له خوا د مالټو د نیالګیو په کېنولو سره ددې بڼ چارې پیل شوې.
د ننګرهار دکانال رییس مولوی غلام الرحمن وویل، چې دا ځمکه وروسته له څلورو لسیزو ابادېږي، ددغې ځمکې ارزښت به لا لوړ شي، سيمه به ورسره لا شنه او سرسبزه شي، ګڼ شمېر هېوادوالو ته به د کار زمينه برابره، د خلکو کورنې اقتصاد به ورسره ښه شي.
اړوند موضوعات
د ننګرهار کانال زرګونه جریبه ځمکو د ساتنې په موخه لوی استنادي محافظوي دیوال جوړیږي.
د یادولو وړ ده، چې د ننګرهار کانال ریاست اړوند د عبدالخېلو بلاک د کرنې وړ کابو ۴۹۶ جریبه ځمکه په برکې نیسي، چې تېرکال هم د دې بلاک په څه باندې ۲۸۱ جریبه ځمکه کې د مالټې بڼونه جوړ شوي ول او ترڅنګ یې د دې سیمې په ۲۰ جریبه ځمکه کې د لیمو بڼونه هم جوړ شوي دي.
Leave a reply
