ایران په افغانستان کې د یو لوی سوداګریز مارکیټ جوړولو لپاره چمتوالی ښودلی.
ایران په افغانستان کې د یو لوی سوداګریز مارکیټ جوړولو لپاره چمتوالی ښودلی.
3 فبروري 2023
د ایران هیواد د مهر خبري آژانس د څرګندونو له مخې؛ د ایران د صنایعو، کانونو او سوداګرۍ وزارت مرستیال سعید محمد موسوي په افغانستان کې د سوداګریز مرکز له رامنځته کولو خبر ورکړ.
هغه زیاته کړې، چې دغه مرکز به راتلونکې میاشت جوړ شي؛ خو د مهر په راپور کې دا ندي ویل شوي، چې د افغانستان په کومه سیمه کې به دغه مرکز جوړ شي.
محمد موسوي هیله من دی، چې د دغه مرکز له جوړېدو سره به د کابل او تهران اړیکې نورې هم پیاوړې شي.
سعید محمد موسوي د افغانستان او ایران ترمنځ د سوداګریزو فرصتونو نومې غونډې ته په خپلو څرګندونو کې دا هم ویلي، چې دوی غواړي په افغانستان کې پانګونه وکړي او د افغانستان په تلپاتې وده کې برخه واخلي.
اړوند موضوعات
دغه راز افغان چارواکو هم ویلي، چې له ایران څخه د افغانستان د وارداتو اندازه لکه د خوراکي او سون توکو کچه په کال کې تر یو میلیارد دالرو پورې رسیږي.
Leave a reply
