امیرخان متقي: پاکستان باید خپلې ستونزې پخپل کور کې وګوري او موږ ته دې د ملامتۍ ګوتې نه نیسي.
امیرخان متقي: پاکستان باید خپلې ستونزې پخپل کور کې وګوري او موږ ته دې د ملامتۍ ګوتې نه نیسي.
1 فروري 2023
د افغانستان اسلامي امارت د بهرنیو چارو سرپرست وزیر مولوي امیرخان متقي نن ورځ د معتادینو د درملنې او ساتنې د ۵زره بستریز مرکز پرانیست غونډه کې وینا وکړه د او د پېښور په پولیس لاینز جومات کې د برید په اړه یې وویل چې پاکستان دې د یاد برید په اړه دقیقه څېړنه وکړي او داسې پېښې دې افغانستان ته نه منسوبوي.
مولوي امیر خان متقي ویلي چې پاکستان باید خپلې ستونزې په خپل کور کې وګوري او د دې هیواد له وزیرانو یې غوښتي څو د خپل بام واورې د نورو په بام وانچوي.
نوموړي زیاته کړی چې افغانستان ته دې د ملامتۍ گوته نه نیول کیږي او که څوک وایې چې افغانستان کې د ترهګرو مرکز دی، نو بیا به دا ترهګر له افغانستانه چین، تاجکستان، ازبکستان، ایران او نورو ګاونډیو هیوادونو ته ولې نه ورځي؟ دده په وینا نن هغو ټولو هیوادونه او افغانستان کې امنیت دی.
د بهرنیو چارو وزیر مولوي امیر خان متقي څرګندونې په داسې حال کې دي چې له دې وړاندې د پاکستان پارلمان د یادې پېښې په اړه پرله پسې غونډې کوي.
اړوند موضوعات
اسلامي امارت د پیښور په یو مسجد کې وژونکی برید غندلی او خپله ژوره خواشیني یې څرګنده کړی.
د پاکستان د کورنیو چارو وزیر رانا ثناءالله ویلي چې یاد ترهګیز بریدونه زمونږ د ناکامه پالیسیو نتیجه ده. همدا راز د پاکستان دفاع وزیر خواجه اصف ویلي، تر څو چې له TTP سره مذاکرات ونکړو، یاد ترهګریز بریدونه به دوام کوي.
حمادشیرزاد
Leave a reply
