د تورخم ښارګوټي د کمیسارۍ مسؤولین وایي چې په اوسط ډول هره ورځ د ترانزیټ له درکه ۳۰ میلیونه افغانۍ عواید لاسته راوړي.

31 جنوري 2023

د تورخم کميسار مولوي صديق خالد په تورخم کميسارۍ کې یوې غونډې ته وویل چې هره ورځ د ترانزيټ له درکه دیرش ميلونه افغانۍ عواید ترلاسه کوو او په شفاف ډول یې د اسلامي امارت خزانې ته سپارو.

د تورخم کميسار وویل هره ورځ د تورخم له لارې د اته سوه نیولې تر دیارلس سوه پورې لارۍ او کانتينرې تګ راتګ کوي، چې د یاد ترانزيټ د محصول له درکه د ورځې شاوخوا دیرش میليونه افغانۍ عواید ترلاسه کیږي او په شفاف ډول د اسلامي امارت بانک ته سپارل کيږي.

کمیسار وویل په تورخم ښارګوټي کې ټولې امارتي چارې په همغږې ترسره کيږي چې په تیرو شپږو میاشتو کې مو پاکستان ته تلوړنکو ناروغانو لپاره صفري نقطې تر څیرمه لازم امکانات، تم ځایونه، د لمانځه او اوداسه لپاره مناسب امکانات، د نارینه او ښځینه وو لپاره بیلابیل د شپې تیرولو ځایونه برابر شوي، چې د کمیسار په وینا په تیرو شپږو میاشتو کې (49800) ناروغان پاکستان هیواد ته د درملنې په موخه تللي.

اړوند موضوعات

د ترانسپورټ وزارت پلاوي تورخم ښارګوټي کې له یو شمیر موټر چلوونکو او ترانسپورټي شرکتونو استازو سره کتلي.

په ورته وخت کې د تورخم د کمیسارۍ مرستیال مولوي مصطفی کمال وویل د تورخم له لارې د هر ډول قاچاق مخه نیول شوې همدا لامل دی چې دلته قيمتي ډبرې او تاريخي آثار هم وخت په وخت نیول شوي.