د روسیې د بهرنیو چارو وزیر تازه ویلي افغانستان کې د ټولشموله حکومت رامنځته کول د طالبانو خپل مسؤلیت دی.
![](https://pashto.baaghitv.com/wp-content/uploads/2023/01/images-8-4.jpeg)
د روسیې د بهرنیو چارو وزیر تازه ویلي افغانستان کې د ټولشموله حکومت رامنځته کول د طالبانو خپل مسؤلیت دی.
30 جنوري 2023
د روسیې هیواد د بهرنیو چارو وزیر سرگي لاوروف تازه ویلي چې په افغانستان کې د ټولشموله حکومت رامنځته کول د نړیوالې ټولنې لخوا اعلان شوی شرط نه بلکې د طالبانو یو مسوولیت دی.
سرگي لاوروف د خپل پاکستاني سیال بلاول بوټو سره په گډ خبري کنفرانس کې ویلي چې طالبانو واک ته تر رسیدو وروسته په افغانستان کې د یو ټولشموله حکومت رامنځته کول خپل یو مهم هدف بللی و او اوس نړیواله ټولنه له طالبانو څخه د خپلو ژمنو عملي کول غواړي.
لاوروف زیاته کړې چې په افغانستان کې د تروریزم گواښ لا هم له منځه ندی تللی خو په وینا یې د شانگهای همکاریو سازمان په واسطه پدې تړاو هڅې روانې دي.
اړوند موضوعات
یاده دې وي چې د پاکستان هیواد د بهرنیو چارو وزیر بلاول بوټو زرداري روس هیواد ته پخپل دوه ورځیني رسمی سفر تللی دی.