ا.ا.: په هېواد کې د داعش ځالې له منځه وړل شوې دي

ا.ا.: په هېواد کې د داعش ځالې له منځه وړل شوې دي

اسلامي امارت په هېواد کې د داعش ډلې حضور ناڅرګند ګڼي او وايي چې د دغې ډلې د ډېرو بریدونو مخه نیول شوې ده. د اسلامي امارت ویاند ذبیح الله مجاهد زیاتوي، چې د هېواد په بېلابېلو برخو کې د دغې ډلې د ځپلو هڅې روانې دي.

ښاغلي مجاهد وویل: د دوی مهمې ځالې په کابل او د هېواد په نورو ښارونو کې له منځه تللي دي. د افغانستان اسلامي امارت هوډ لري چې په داعش پورې تړلې ټولې ځالې له منځه یوسي او هغه ریښې به وچې کړي چې دوی یې پیاوړي کوي.

(2023 / 1 / 29 نېټه باغي ټلویزیون)

بشپړ راپور

دا په داسې حال کې ده چې په افریقا کې د داعش د څانګې مشر بلال السوداني په دې وروستیو کې د امریکايي ځواکونو په هوايي برید کې وژل شوی دی، سپینې ماڼۍ اعلان کړی چې السوداني په افغانستان کې د داعش د څانګې په ګډون په ټوله نړۍ کې د داعش سره د تړلو ډلو د تمویل مسوول و.

د سپینې ماڼۍ ویاندې کارین ژان پییر وویل: «امریکايي ځواکونو د سومالیا په شمال کې د ترهگرۍ پر ضد هوايي عملیات کړي چې په پایله کې یې ترهگر وژل شوي دي.

اړوند موضوعات:

بایډن لۀ افغانستان څخه د امریکايي ځواکونو لۀ وتلو دفاع کړې؛ مکینزي بیا اندېښنه ښودلې چې افغانستان به یو ځل بیا د ترهګرو پۀ ځاله بدل شي

دغه کس چې د داعش د نړیوالې ډلې مشر و او د داعش لس نور غړي هم وژل شوي دي. د سوډان فعالیتونه په ټوله نړۍ کې د داعش پورې تړلو کسانو د وژونکو ظرفیتونو تمویل او ساتل وو، په افغانستان کې د داعش څانګې په ګډون، چې د هغې یوه تر ټولو وژونکې څانګه ده.