د ملګرو ملتونو د سرمنشي مرستیال او مل پلاوي د کډوالو او بیرته راستنېدونکو چارو سرپرست وزیر سره کتلي.
د ملګرو ملتونو د سرمنشي مرستیال او مل پلاوي د کډوالو او بیرته راستنېدونکو چارو سرپرست وزیر سره کتلي.
25 جنوري 2023
د افغانستان اسلامي امارت د کډوالو او بیرته راستنېدونکو چارو وزارت له لورې په یوه تازه خپره شوې خبرپاڼه کې راغلي چې د ملګرو ملتونو د سر منشي مرستیال ښاغلي مارتین ګریفتس، چې د ملګرو ملتونو ځانګړي استازي رمیز الکبروف، د پاملرنې موسسې عمومي مشرې سوفیا سپریچمن، د سیف دی چلډرن موسسې مشرې جانتي سوریپتو، د یونیسف موسسې مرستیالې عمر عبدي یې ملتیا کوله د کډوالو او راستنېدونکو چارو وزیر خلیل الرحمان حقاني سره د هغه د کار په دفتر کې ولیدل.
خبر زیاتوي: په دغه ناسته کې د بشري مرستو په پراختیا، کاري تګلاره او د رامنځته شوو ستونزو په اړه خبرې وشوې.
ښاغلي مارتین وویل: مونږ ژمن یو، چې د مرستو رسولو کې ددین او کلتور مخالفت ونکړو، مونږ د مرستو د بندولو اراده نلرو، خو د مېرمنو د کاربندیز سره کارونه ټکني شوي دي.
نوموړي زیاته کړه، سږکال د بشري مرستو په برخه کې د افغانستان لپاره ترټولو زیاته بودیجه په نظر کې نیول شوې ده او ددې لپاره باید د یوښه میکانیزم په رامنځته کولو کې په ګډه کار وکړو.
د مهاجرینو چارو وزیر نوموړي ته د هرکلي ترڅنګ له افغانانو سره د دوی د مرستو مننه وکړه او ویې ویل: مونږ د نظام یوه برخه یو او د نظام د اصولو مطابق د مرستو په رسولو کې هرډول همکارۍ ته چمتو یو، نړیوال باید بشري مرستې له شرطونو سره ونه تړي.
اړوند موضوعات
ښاغلي حقاني له نوموړي وغوښتل، چې دلته حقایق وویني او نړۍ ته د افغانستان حقیقي تصویر وړاندې کړي
Leave a reply
