ناټو ویلي چې لویدیځ هېوادونه له اوکراین سره لا ډیرې مرستې کوي   

د ناټو عمومي سر منشي ینس ستولټنبرګ وایي، په نږدې راتلونکي کې به لوېدیځ هېوادونه له اوکراین سره د درنو پوځي تجهیزاتو او وسلو مرستې وکړي.

ستولټنبرګ په یوه مرکه کې ویلي، چې له اوکراین سره د درنو پوځي تجهیزاتو مرسته مهمه ده او دی هیله‌من دی چې دغه مرستې په نږدې راتلونکې کې وشي.

ټاکل شوې چې د ناټو د غړیو هېوادونو د دفاع وزیران راروانه جمعه له اوکراین سره د پوځي مرستو په اړه یوه غونډه جوړه کړي.

اړوند موضوعات:

 د ناټو عمومي منشي ویلي چې دوی لۀ کلونو راهیسې روسیې سره مخامخ کېدو ته چمتووالی نیوۀ

جرمني به د دغې غونډې کوربه وي. په ورته وخت کې د اوکراین ولسمشر ولادیمیر زلنسکي تېره شپه په یوه ویډیوي پیغام کې ویلي چې په دنیپرو ښار کې د هستوګنۍ پر یوې ودانۍ د روسیې د راکټي برید د قربانیانو شمېر۲۵ ته رسېدلی.