د ناټو عمومي منشي ویلي چې دوی لۀ کلونو راهیسې روسیې سره مخامخ کېدو ته چمتووالی نیوۀ

د ناټو عمومي منشي ویلي چې دوی لۀ کلونو راهیسې روسیې سره مخامخ کېدو ته چمتووالی نیوۀ

هغه د خپلو خبرو پر دوام زیاته کړې ده چې دوی له کلونو راهیسي روسیه تر څار لاندې لرله، نه داسې چې ناټو ناببره له خوبه راوېښه شوه او متوجه شوه چې روسیه خطرناکه ده.

(2022 / 7 / 1   نېټه باغي ټلویزیون)

بشپړ راپور 

د ناټو عمومي منشي ینس سټولټنبرګ ویلي چې دا پوځي ایتلاف له ۲۰۱۴ میلادي کال راهیسي له روسیې سره مخامخ کېدو ته په چمتووالي بوخت ؤ.

سټولټنبرګ په اسلو کې د دې سازمان ناستې ته په خبرو کې ویلي چې دوی په رښتیا هم له ۲۰۱۴میلادي کال راهیسي له روسیې سره مخامخ کېدو ته پر تیاریو بوخت ؤ.

هغه د خپلو خبرو پر دوام زیاته کړې ده چې دوی له کلونو راهیسي روسیه تر څار لاندې لرله، نه داسې چې ناټو ناببره له خوبه راوېښه شوه او متوجه شوه چې روسیه خطرناکه ده.

په ورته وخت کې د روسیې ولسمشر ولادیمیر پوتین بیا د نوموړي دې څرګندونو ته غبرګون کې ویلي چې هو؛ هغوی (ناټو سازمان) له کلونو راهیسي د یو داسې بهرني دښمن په لټه کې و چې د ګډ ګواښ په بللو سره یې دا پاشل شوی سازمان یو ځل بیا را متحد کړي.