خصوصي پوهنتونونو پر ښځینه زده کوونکو له زده کړو د بندیز د نېټې د معلومولو غوښتنه کړې ده 

خصوصي پوهنتونونو پر ښځینه زده کوونکو له زده کړو د بندیز د نېټې د معلومولو غوښتنه کړې ده 

کریم اندېښنه ښودلې چې خصوصي پوهنتونونه د خپلو زده کوونکو پر میاشتنیو فیسونو ولاړ دي او که دغه بهیر بېرته د پخوا پشان عادي نشي، له اقتصادي پلوه به یوازې کابل کې ۳۵ پوهنتونونه وتړل شي.

له سرپرست افغان حکومت سره نړۍ د ښځینه تعلیم او کار د بندښت پر سر له مخالفت سره مخ ده، خو حکومت وایي ژمن دي چې د اسلام په چوکاټ کې به افغان ښځو ته د کار او تعلم زمینه برابره کړي.

(2023 / 1 / 9    نېټه باغي ټلویزیون)

بشپړ راپور 
هېواد کې د خصوصي پوهنتونونو اتحادیې ويلي، که حکومت د ښځینه محصلینو د بندیز لرې کولو لپاره نېټه مشخصه نه کړي، ښايي ډېری خصوصي پوهنتونونه د اقتصادي ستونزو له امله دوام ونه کړي.

د دغې اتحادیې مشر محمد کریم ویلي، په ۲۴ ولایتونو کې ۱۴۰ د لوړو زدکړو عالي خصوصي موسسې او پوهنتونونه فعالیت کوي، چې د ۶۵ تر ۷۰ زرو ښځینه محصلینو په ګډون یې شاوخوا ۲ لکه زده کوونکي لرل.
نوموړي زیاته کړې چې په کابل او ولایتونو کې د طب ښځینه محصلانو شمېر تر نارینه زده کوونکو ډېر دی.
دی وايي، دغو پوهنتونونو د نږدې ۲۵ زره خلکو او استادانو لپاره د کار زمینه برابره کړې، خو په وینا یې که د ښځو پر پوهنتوني زده کړو بندیزونه همداسې دوام وکړي، نو د دغو موسسو او پوهنتونونو ګڼ شمېر به یې وتړل شي.
کریم اندېښنه ښودلې چې خصوصي پوهنتونونه د خپلو زده کوونکو پر میاشتنیو فیسونو ولاړ دي او که دغه بهیر بېرته د پخوا پشان عادي نشي، له اقتصادي پلوه به یوازې کابل کې ۳۵ پوهنتونونه وتړل شي.

اړوند موضوعات:

د ریاست الوزراء د دفتر رئیس نن د خصوصي پوهنتونونو او لوړو زده کړو مؤسسو غړو سره وکتل.

له سرپرست افغان حکومت سره نړۍ د ښځینه تعلیم او کار د بندښت پر سر له مخالفت سره مخ ده، خو حکومت وایي ژمن دي چې د اسلام په چوکاټ کې به افغان ښځو ته د کار او تعلم زمینه برابره کړي.