هلمند ولایت کې په نشه يي توکو د لسګونو روږدو کسانو درملنه شوی.
23 دسمبر 2022
د هلمند سیمه ییز مسوولین وایي، چې د دغه ولایت له مرکزي زندان څخه ۷۳ تنه په نشه یي توکو روږدي کسان له درملنې وروسته خپلو کورنيو ته وسپارل شول.
د هلمند د محاکمو سره د اړیکو آمر او د بندیانو مسوول سمونیار سید محمد عثمان سادات وويل چې د دغه ولايت له مرکزي زندان څخه ۷۳ تنه په نشه يي توکو روږدي کسان له څلور مياشتو درملنې وروسته خپلو کورنيو ته وسپارل شول.
هغه زیاته کړه، چې تر دې مهاله یې ٣ زره ٤٠٣ کسان له بشپړې درملنې وروسته خوشې کړي او لا هم ۹۷۸ تنه تر درملنې لاندې دي.
اړوند موضوعات
کورنیو چارو وزارت: نیږدې ۳۵۰ تنه په نشه یي توکو روږدي کسان د درملنې لپاره روغتونونو ته وسپارل شول.
په دا وروستیو کې د طالبانو له لورې د نشه یي توکو سره پراخه مبارزه پیل کړی او همدا راز یې د زرګونه هغه کسانو درملنه ترسره کړی چې په نشه یي توکو روږدي وه.
Leave a Reply