د سرحدونو قومونو او قبایلو چارو وزارت له لوري په کنړ ولایت کې ستره قومي جرګه جوړه شوه.

د سرحدونو قومونو او قبایلو چارو وزارت له لوري په کنړ ولایت کې ستره قومي جرګه جوړه شوه.

8 دسمبر 2022

په یاده جرګه کې د سرحدونو قومونو او قبایلو چارو وزارت سرپرست وزیر ملانورالله نوري او مل پلاوي ګډون درلود د کنړ ولايت والي مولوی احمد طه قادري، ولايتي مسؤلينو او د ټولو ولسواليو څخه راغلو سلګونو قومي مشرانو پکې برخه اخيستې وه.

د غونډې پر مهال د سرحدونو ق.ق چارو سرپرست ملانوري نوري وویل: د کنړ ولس د اشغالګرو په وړاندې جهاد او مبارزې ځانګړی مقام لري، د جهاد پر مهال ټولې هغه سيمې له پرمختګ څخه پاتې او محرومې وې چيرته چي به مجاهدين اوسېدل؛ اسلامي امارت متوازن انکشاف او پراختيا ته ژمن دی او لومړيتوب ليري پرتو او محرومو سېمو ته ورکوي.

اړوند موضوعات

سرحدونو او قبایلو وزارت: اسلامي نظامونه د خلکو تر منځ خپلمنځي شخړو حلولو ته لومړيتوب ورکوي.

نوموړي همدا راز زياته کړه د سرحدونو، قومونو او قبایلو چارو وزارت د ولس غږ ته انعکاس ورکوي او د خلکو واقعي ستونزو ته حل لټول خپله دنده بولي.

ورپسې د ولسوالیو او د مرکز د ولس په نمایندګي ښاغلي باچا او مولوي محمد طاهر وویل: په کنړ ولایت کې د قومونو تر منځ ښه یووالي او همغږي موجوده ده حې په وينا يې اوس د دې وخت رسيدلی چې موجوده نظام دا پاشلی ولس پر یوه ټغر راټول کړي.