اسلامي امارت: کابل کې د پاکستان پر سفارت برید کوونکی یو بهرنی تبعه او داعش اړوند تن نیولی.
5 دسمبر 2022
د افغانستان اسلامي امارت مرکزي ویاند ذبیح الله مجاهد شیبه وړاندې پر خپله ټویټر پاڼه د پاکستان پر سفارت د برید د عاملینو د نیولو خبر ورکړ.
نوموړی په خپله ټویټر لیکي: په کابل کې د اسلامي امارت د ځانګړو ځواکونو له لوري هغه کس ونیول شو چې د تيرې جمعې په ورځ یې د پاکستان په سفارت ډزې کړې وې.
نوموړی زیاتوي: دا کس د یو بهرني هیواد تبعه او د داعش ډلې غړی دی او په تحقیقاتو کې جوته شوې چې دا بريد د داعشيانو او بغاوتګرو له لوري په ګډه تنظیم شوی و.
د بريد تر شا ځینې خارجي شومې کړۍ لاس لري او هدف یې د دوو وروڼو هېوادونو ( افغانستان او پاکستان ) تر منځ د بې باورۍ رامنځته کول وو، د دغه برید په اړه نورې څیړنې هم روانې دي.
اړوند موضوعات
سیاسي مرستیال: کابل کې د پاکستان پر سفارت برید د دواړه هیوادونو د اړیکو خرابولو په پلمه ترسره شوی.
یاده دې وي چې د تیرې جمعې په ورځ کابل کارته پروان سیمه کې د پاکستان سفارت پر لوري ډزې وشوې، چې پکې د دغه سفارت یو ساتونکی ټپي شو.
حماد
Leave a Reply