اسلامي امارت: د پکتیا مرکز ګردیز کې د دوه کورنیو ترمنځ ۹۰ کلنه دښمني په دوستۍ بدله شوه.
اسلامي امارت: د پکتیا مرکز ګردیز کې د دوه کورنیو ترمنځ ۹۰ کلنه دښمني په دوستۍ بدله شوه.
4 دسمبر 2022
د کډوالو او بیرته راستنيدونکو چارو وزارت له لورې په یوه تازه خپره شوې خبرې خبرپاڼه کې راغلي چې د یاد وزارت د مسؤلینو په هڅو پکتیا مرکز ګردیز کې د دوه کورنیو ۹۰ کلنه دښمني په دوستۍ بدله شوه.
خبر زیاتوي: د پکتیا ولایت مرکز ګردیز، زاهو قریه کې د ملایانو او بادوخیلو دوه کورنیو ترمنځ، چې له تېرو څه باندې ۹۰ کلونو څخه یې د ځمکې پرسر شخړه وه او مړي هم پکې شوي وو، د قومي سپین ږیرو په منځګړیتوب پای ته ورسېده.
په همدغه مناسبت جوړې شوې غونډې ته د کډوالو او راستنېدونکو چارو وزیر خلیل الرحمن حقاني وویل: دښمنان زمونږ بې اتفاقۍ ته لمن وهي خو، زموږ قومونو ته الله تعالی استعداد ورکړی، چې هر څه لوی لوی مسایل په جرګو او مرکو حل کړي.
نوموړي د قومي مشرانو دغه ګام د ستاینې وړ وباله او غوښتنه یې وکړه، چې ددې ترڅنګ د ولور په نوم پیسې اخستل، ښځې په بدو کې ورکول او داسې نور ناوړه دودونه باید د قران او اسلامي شریعت له مخې له منځه یوسي.
ښاغلي حقاني له قومونو وغوښتل، چې د نورو د تبلیغاتو تر اثر لاندې رانشي او خپل ځوانان بچي پرې نږدي، چې په ناقانونه ډول نورو هیوادونو ته ولاړ شي.
اړوند موضوعات
اسلامي امارت تخار ولايت خواجه بهاؤالدين ولسوالۍ کې د قومونو تر منځ ستره ولسي شخړه حل وفصل کړه.
نوموړي زیاته کړه، ځیني مافیا کړۍ خارج ته په تشویقولو سره غواړي د افغانانو سرمایه هم لوټ کړي او ځوانان هم د مرګ خولې ته ټیل وهي.
حماد
Leave a reply
