د افغانستان کرکټ بورډ د عربي اماراتو کرکټ بورډ سره د کوربه توب تړون لاسلیک کړ.
28 نومبر 2022
د افغانستان کرکټ بورډ د متحده عربي اماراتو د کرکټ بورډ سره تړون لاسلیک کړی چې له مخې به یې افغان لوبډله خپلې لوبې په عربي اماراتو کې ترسره کوي.
د کرکټ بورډ اجرائیه رئیس نصیب خان ویلي چې د راتلونکو پنځو کلونو لپاره یې د عربي اماراتو سره په مختلفو موضوعاتو تړونونه لاسلیک کړې دي.
ددغه تړون له مخې به افغان لوبډله پرته له فیسونو ورکولو د سیالیو کوبه توب په دغه هېواد کې کوي.
همداراز به د عربي اماراتو په ورزشي انګړ کې خپل دفتر هم پرانیزي، چې دا به د بازار موندنې او مالي ملاتړ د موندنې په برخه کې اړینې مرستې او همکارۍ وکړي.
ښاغلي نصیب خان زیاته کړې چې عربي امارات به افغان لوبغاړو ته په ویزو کې هم یو شمېر اسانتیاوې رامنځته کړي.
ددې تړون په بدل کې به افغان لوبډله هر کال د عربي اماراتو د ملي لوبډلې سره ۳ شل اوریزې لوبې ترسره کوي.
اړوند موضوعات
د افغانستان کرکټ لوبډلې سریلنکا ته په لومړۍ پنځوس اوریزه لوبه کې د ۶۰ منډو په توپیر ماته ورکړه.
افغان لوبډله په تېرو اوږدو کې د کوربه توب له ستونزو سره مخ وه چې عربي امارات، هند او قطر هېوادونو کې یې پخوا د لوبډلو کوربه توب کړی دی.
Leave a Reply