کونړ ولایت کې د ۸۲ کیلو متره سړک د رغولو چارې د دوه نیم میلیونه افغانیو په لګښت پیل شوې.
کونړ ولایت کې د ۸۲ کیلو متره سړک د رغولو چارې د دوه نیم میلیونه افغانیو په لګښت پیل شوې.
28 نومبر 2022
د ټولګټو چارو وزارت په کونړ ولایت کې د دوه نیم میلیونه افغانیو په لګښت د ۸۲ کیلو متره سړک د زیانمنو شویو برخو رغونې چارې د یو لړ مراسمو په ترڅ کې پیل کړې.
د پرانیستې په دغو مراسمو کې د کونړ والي مولوي احمد طه، ټولګټو چارو رییس مولوي قدرت الله معاذ او یو شمېر نورو ځايي مسوولینو برخه اخیستې وه.
د یاد ولایت سیمیزو چارواکو همدارنګه د وزارت له مشرتابه څخه د مننې ترڅنګ، د دغه ولایت پاتې سړکونو د اساسي رغونې او ترمیم په برخه کې د لا زیاتې پاملرنې غوښتنه وکړه.
د کونړ والي د ټولګټو بنسټونو رغونه او ساتل د ولایتي ادارې مهم لومړیتوب یاد کړ او له مسوولینو څخه یې په دې اړه د لازیاتې پاملرنې غوښتنه وکړه.
په ورته وخت کې د کونړ ولایت د ټولګټو چارو رییس وویل، چې د کونړ – ننګرهار عمومي سړک د استنادي دیوالونو جوړېدو سربېره له غازي اباد ولسوالۍ نیولې د نورګل ولسوالۍ تر اخیرې برخې د ۸۲ کیلو متره سړک د زیانمنو برخو د رغونې او داغګیرۍ چارې پیل کړې چې نږدې یوه میاشت کې به بشپړ شي.
اړوند موضوعات
د یادونې وړ ده، چې اوسمهال د هېواد د یو شمېر لویو لارو او فرعي سړکونود بیارغونې چارې په چټکۍ سره پر مخ روانې دي، چې په بشپړېدو سره بې ترانسپورټي اسانتیاوې رامنځته شي.
Leave a reply
