سره میاشت: قطر کابل کې د سوري زړه پر ناروغۍ د اخته ۱۶۹ ماشومانو لګښت پر غاړه اخلي.

سره میاشت: قطر کابل کې د سوري زړه پر ناروغۍ د اخته ۱۶۹ ماشومانو لګښت پر غاړه اخلي.

18 نومبر 2022

د افغاني سرې میاشتې سرپرست عمومي رئیس ښاغلي مولوي مطیع الحق خالص کابل کې د قطر هېواد د سفارت له شاژدافیر ښاغلي عبدالله محمد الحبابي سره د سوري زړه د ناروغو ماشومانو د درملنې او راتلونکي ژمي کې له افغانانو سره د مرستو پر موضوعاتو په خپل کاري دفتر کې ناسته ترسره کړه.

ناسته کې کابل کې د قطر هېواد شاژدافیر ښاغلي عبدالله محمد الحبابي ژمنه وکړه، چې قطر او یا کابل کې به د افغاني سرې میاشتې له لارې د سوري زړه د ناروغانو درملنه کې مرسته کوي.

نوموړي ژمنه وکړه، چې په پلازمېنه کابل کې د افغاني سرې میاشتې له لوري د سوري زړه د ناروغو ماشومانو د درملنې په برخه کې د ۱۶۹ ناروغانو لګښت پر غاړه اخلي. ښاغلي الحبابي همدا ډول وویل، چې قطر هوډ لري په راتلونکي ژمي کې له افغانانو سره د خوراکي او ژمنیو توکو مرسته وکړي.

اړوند موضوعات

افغانی سره میاشت ټولنه المان هیواد ته ۵۴ ماشومان او انجونې د تداوۍ لپاره استوي.

ناسته کې د افغاني سرې میاشتې سرپرست عمومي رئیس ښاغلي مولوي مطیع الحق خالص د سوري زړه د ناروغانو په برخه کې د قطر هېواد د مرستې له ژمنې د مننې په ترڅ کې د قطر هېواد شاژدافیر ته ډاډ ورکړ، چې مرستې به یې په پوره شفافیت تر اړمنو ورسوي.