د کانونو او پټرولیم وزارت سرپرست وزیر تیره ورځ د اروپايي ټولنې له سفیرې سره ولیدل.

د کانونو او پټرولیم وزارت سرپرست وزیر تیره ورځ د اروپايي ټولنې له سفیرې سره ولیدل.

17 نومبر 2022

د کانونو او پټرولیم وزارت له لورې په یوه تازه خپره شوې خبرپاڼه کې راغلي چې د دغه وزارت سرپرست وزیر شېخ شهاب الدین دلاور د اورپایي ټولنې له سفيرې اغلې رافیلا سره په خپل کاري دفتر کې ولیدل.

په دغه لیدنه کې دواړو لورو په بېلابېلو موضوعاتو په ځانګړي ډول د هیواد اوسني وضعیت د اړتیاوو او د ستونزو د حل په اړه خبرې وکړې.

ښاغلي شېخ دلاور ورته د ښه راغلاست تر څنګ د اسلامي امارت د تېرو ۱۳ میاشتو لاسته راوړنو لکه د افغانستان د طبیعي زېرمو، فعالیتونو، عوایدو، شفافیت، ملي حاکمیت او سرتاسري امنیت په اړه لنډ معلومات وړاندې کړل.

نوموړي زیاته کړه: موږ په دې هڅه کې یو چې د کانونو په سکټور کې لا زیاتې اسانتیاوې رامنځته کړو تر څو په دې سکټور کې د پانګونې زمینې برابرولو تر څنګ، لا ښه شفافیت او سرعت هم رامنځته کړو.

اغلې رافیلا د یاد وزارت د پلانونو د ښه تطبیق ستاینه وکړه او همدارنګه یې د هیواد په پرمختګ کې د یاد وزارت رول مهم وباله.

اړوند موضوعات

په کابل کې د ایران سفیر د کانونو او پټرولیم سرپرست وزیر شیخ شهاب الدین دلاور سره ولیدل.

د اروپایي ټولنې سفیرې د افغانستان د کانونو په برخه کې د همکارۍ ژمنه وکړه او همدارنګه یې د بشري مرستو پروګرامونو یادونه هم وکړه.