عبدالسلام حنفي: هڅه کوو د هیواد ځوانان مو له ورځني علم او ټکنالوژۍ څخه برخمن شي.
عبدالسلام حنفي: هڅه کوو د هیواد ځوانان مو له ورځني علم او ټکنالوژۍ څخه برخمن شي.
13 نومبر 2022
نن ورځ د اسلامي امارت د ریاست الوزراء اداري مرستیال له لورې د کانکور ازموینې لس بریالي ګډونوال وستایل شول.
دغه مراسمو کې د ریاست الوزرا اداري مرستیال مولوي عبدالسلام حنفي د کانکور ګډونوالو، د هغوی کورنیو، استادانو او د ازموینو ملي ادارې ته د مبارکۍ ترڅنګ وویل، تاسو د ملت ویاړ او د افغانستان د راتلونکې جوړونکي یاست او اسلامي امارت د مسوول حکومت په توګه هڅه کوي ځوانانو ته د زده کړو او کار زمینه برابره کړي.
مولوي حنفي زیاته کړه: هڅه کوو د هیواد ځوانان مو له ورځني علم او ټکنالوژۍ څخه برخمن شي، ترڅو د کانونو استخراج، اوبو مدیریت او پیاوړي اقتصاد رامنځته کولو له لارې د هیواد ابادۍ کې خپل رول ولوبوي.
د ریاست الوزرا اداري مرستیال سږ کال په شفاف ډول د کانکور ازموینې ترسره کېدو ته په اشارې وویل، د فساد مخنیوی د دې لامل شو چې حق حقدار ته ورسېږي، اوس خوندي شرایط برابر شوي او تاسو نړۍ ته ثابته کړئ چې افغان ځوانان کولای شي خپل هیواد پخپله جوړ کړي.
اړوند موضوعات
په پای کې د کانکور لس بریالي ګډونوال وستایل شول، ډالۍ او ستاینلیکونه ورکړل شول.
حمادشیرزاد
Leave a reply
